Qazaqstan Qytaimen aradaǧy şekarany nege jappai otyr?

Syrtqy ıster ministrlıgı koronavirusqa bailanysty Qytaimen aradaǧy şekarany jabu tärtıbın tüsındırdı, dep habarlaidy Sputnik Qazaqstan. Ministrdıŋ bırınşı orynbasary Şahrat Nūryşevtıŋ aituynşa, Qazaqstan Qytaimen aradaǧy şekarany jabudy josparlap otyrǧan joq. Ol üşın Düniejüzılık densaulyq saqtau ūiymynyŋ ūsynysy qajet. Alaida koronavirusqa bailanysty qytailyq azamattarǧa Qazaqstannyŋ vizasyn beru talaptary küşeitıldı.

"Qazırgı kezde bızdıŋ QHR-daǧy elşılıgımız ben bas konsuldyǧymyz osy eldıŋ azamattaryna densaulyq turaly anyqtama jaǧynan viza beru talaptaryn küşeittı. Būdan bölek, Qytai azamattary üşın äuejaida elektrondy viza räsımdeu jūmysy toqtatyldy", - dedı Nūryşev ükımette ötken baspasöz mäslihatynda.

Onyŋ sözıne qaraǧanda, Qytaimen aradaǧy şekara jabylsa, Qazaqstan azamattaryn elge qaitaru mümkın bolmaidy. "Qazırgı mälımetke säikes, QHR territoriiasynda 1 300 Qazaqstan azamaty bar. Olardyŋ ışınde 635 turist Hainan provinsiiasynda jür. Būdan bölek, elşılık, bas konsuldyq qyzmetkerlerı jäne olardyŋ otbasy müşelerı bar", - dep atap körsettı Nūryşev.

Qytaidaǧy koronavirus

Qytaida 2019 jyldyŋ jeltoqsanynan bastap belgısız koronavirustyŋ taraluyna bailanysty el bilıgı Hubei provinsiiasyndaǧy on qalany "jauyp" tastady. Bırınşı bolyp Uhan qalasy jabyldy. Sebebı qauıptı ındet 11 millionnan astam tūrǧyny bar osy qaladan taraǧan bolatyn. Karantin jariialanǧan qalalar arasynda Chibi (534 myŋ adam), Echjou (1,08 million adam), Huangan (7,5 million adam), Siantao (1,6 million adam), Chjiszian (550 myŋ adam), Sianszian (963 myŋ adam), Huanşi (2,7 million adam), Enşi (809 myŋ adam) men Siannin (2,5 million adam) bar. Bügıngı jaǧdai boiynşa, Qytaida koronavirustan 106 adam köz jūmdy. Būǧan qosa, būl auru basqa elderge de tarai bastaǧan.