Älemdı şulatqan koronavirusqa bailanysty Qazaqstandaǧy auruhanalarǧa qosymşa medisinalyq betperdeler satyp alynbaq.
Qazaqstannyŋ auruhanalaryna qosymşa tört millionǧa juyq betperde satyp alynady. Būl turaly arnaiy baspasöz mäslihatynda bas sanitar Jandarbek Bekşin mälımdedı dep habarplaidy" Adyrna".
"Auruhanalar üşın bız şūǧyl qosymşa medisinalyq betperdelerdı satyp alyp jatyrmyz. Atap aitqanda, 2,5 million jai betperde, 1,3 million respiratorlyq betperde, bır ret qoldanylatyn jäne käsıbi kostiumder bar. Būdan bölek, diagnostikalyq apparaturaǧa arnalǧan qūral-jabdyqtar satyp alynady", - dedı Bekşin.
Bas sanitardyŋ aituynşa, auyr nauqastardy tasymaldauǧa arnalǧan 30 kapsula da jetkızıledı. Sosyn qosymşa 33 teplovizor satyp alynady.
"Bız otandyq önım öndıruşılerden däkeden jasalatyn betperdelerdı köptep jasaudy sūradyq", - dedı Bekşin.
Aita ketsek, bügın taŋerteŋ densaulyq ministrı respiratorlyq virus belgılerı bar tört adamnyŋ auruhanaǧa jatqyzylǧanyn habarlaǧan bolatyn, keiın olardyŋ ekeuı üiıne jıberılgenı aitty.
Al tüsten keiın Jandarbek Bekşin taǧy alty adamnyŋ auruhanaǧa jetkızılgenın habarlady.
