Qytaiǧa barmaq bolǧan jolauşylarǧa bilet qūny qalai qaitarylady

Qazaqstannan Qytaiǧa baratyn poiyz, avtobus pen ūşaqtardyŋ uaqytşa toqtaǧany belgılı. Osy rette QR İİDM Azamattyq aviasiia komitetınıŋ töraǧasy Talǧat Lastaev pen Kölık komitetınıŋ töraǧasy Samat Ǧylymov jolauşylarǧa bilet qūny qalai qaitarylatynyn tüsındırıp berdı, dep habarlaidy QazAqparat. QR İİDM Kölık komitetınıŋ töraǧasy Samat Ǧylymovtyŋ aituynşa, poiyz ben avtobusqa alynǧan biletterdıŋ qūny tolyǧymen iesıne qaitarylady. «Nūr-Sūltan-Ürımjı men Almaty-Ürımjı baǧytyndaǧy poiyzdar Aqtoǧai stansasynda bır poiyz bolyp bırıgıp, ary qarai Ürımjıge baǧyt alatyn. Ol jaqqa bilet alǧandardyŋ köbı Dostyq stansasynan tüsıp qalady. Anyqtaǧanymyzdai, Dostyqtan ary qarai Ürımjıge deiın 22 bilet alynǧan eken. Osy 22 adamnyŋ ışınde 8-ı bilettı qaitarǧan. Qalǧan 14 adamǧa operatorlar habarlasyp, poiyzdyŋ jürmeitının, bilet qūnyn alyp ketuı kerektıgın aityp jatyr», - dedı Samat Ǧylymov. Al Azamattyq aviasiia komitetınıŋ töraǧasy Talǧat Lastaevtyŋ aituynşa, äue biletterınıŋ de tolyq qūny ielerıne qaitarylady. 3 aqpannan bastap atalǧan reisterge bilet alǧandar ony satyp alǧan jerlerıne qaitara alady. Biletter üşın aqşa aiyppūlsyz räsımdelıp, tolyq kölemde qaitarylady. Qalyp qoiǧan jolauşylardy elge qaitaru üşın Beijıŋ jäne Ürımjı qalalarynan qosymşa reister ūiymdastyrylady. Eske sala ketsek, būǧan deiın Samat Ǧylymov Qazaqstannan Qytaiǧa baratyn barlyq avtobus pen poiyz uaqytşa toqtatylǧanyn, Azamattyq aviasiia komitetınıŋ töraǧasy Talǧat Lastaev 3 aqpannan bastap Qytai Halyq Respublikasymen tūraqty äue qatynasy uaqytşa toqtaitynyn habarlaǧan edı.