Bekzat Sattarhanov - qazaqtyŋ maŋdaiyna simai ketken baǧy. Nebärı 20 jasynda Qazaqstan qorjynyna Sidnei olimpiadasynan altyn medal syilaǧan bolatyn. Habar telearnasynyŋ tapsyrysymen "Bekzat" körkem filmı jaryq kördı.Rejisserı - Mūrat Bidosov,ssenariiın jazǧan - Serjan Zakerūly, basty röldı somdaǧan jas akter - Samat Äzımqūlov. Filmde Bekzat Sattarhanovtyŋ altyn jeŋıske qol jetkızgenge deiıngı qiyn ömırı baiandalady. Filmdı körıp otyrǧan sätte boksşynyŋ boiyndaǧy qaitpas-qaisar mınezdı baiqai alasyŋ. Eldıŋ armanyn arqalap, memlekettıŋ tuyn köterıp änūranyn qanşama ūlt ökılderınıŋ arasynda şyrqatyp jatqan sättegı äke quanyşyn sözben suretteu mümkın emes. Däl sol äke ösietı balany ülken jetıstıkke jetkızgenı aidan anyq. Bekzat ringte jürgende äkesınıŋ "Balam, bastaǧan ısıŋdı aiaǧyna deiın jetkız!" degen sözı esıne tüsıp, onyŋ ruhyn köterdı, arystandai aibattylyǧyn oiatyp ülken ūly jeŋıske ūmtyldyrdy.
Bekzattyŋ jastyq şaǧy 90-şy jyldardaǧy naryq kezeŋımen tūspa-tūs keledı. Sonyŋ özınde eşqandai qiyndyqqa qaramai alǧa qadam basty, tabandylyqpen talpyna berdı. Ol özı üşın ǧana emes, älsız adamdar üşın de kürese bıldı,qolynan kelgenşe olarǧa qorǧan boldy. Bekzattyŋ alǧaşqy bapkerı onyŋ boiyndaǧy qabıletın bırden baiqady. Bıraq, jetıstıktıŋ 10 paiyzy ǧana talant, qalǧan 90 paiyzy eŋbekten tūratyny belgılı. Osyndai tynymsyz eŋbektıŋ arqasynda jas jolbarys olimpiada chempiony atandy.
Şırkın, bälkım dostaryn emes, otbasyn tyŋdaǧanda mūndai qaiǧyly jaǧdai bolmas pa edı. Anasynyŋ :"Sol kezde balamdy ūstap qala almaǧanyma qatty ökınemın" degen sözı ana jüregındegı orny tolmas ökınıştı bıldıredı. Qazaq halqynda ülkennıŋ sözın jerge tastamau -qasterlı ūǧym, ömırlık paryz. Ana jüregı bärın sezedı ǧoi. Bıraq, būl eşkım kütpegen tosyn oqiǧa edı. 2000 jyly 20 jasynda Bekzat Sattarhanov jol apatynan qaza boldy." Menıŋ jeŋısım - qazaqtyŋ jeŋısı!" degenı jasyndai jarq etken ǧūmyrynyŋ soŋǧy amanaty bolǧan eken. Osy oqiǧadan ǧūmyrlyq oi tüiu, ömırlık sabaq alu - ärbır qazaq otbasy üşın, ärbır ata – ana men ärbır perzent üşın ülken jauapkerşılık, kökeitestı mäsele.Būl filmdı köru arqyly sız ızgı äser alasyz. Endeşe, uaqyt tartu etken ızgılıkten qūr alaqan qalmaŋyz!
Almaty qalasy, Alatau audany №169 mektep-liseiınıŋ 10- "A" synyp oquşysy, Rysbai Ernūr. Ǧylymi jetekşısı: äl-Farabi atyndaǧy QazŪU dosentı Äbdıjädılqyzy Jidegül
