Qazır osyndai alapat ört şyǧatyndai sebep öte köp

3687
Adyrna.kz Telegram
https://adyrna.kz/content/uploads/2020/02/vvvv.jpg
Qordaidaǧy TJ turaly oiymdy aita ketsem dep edım. Eŋ aldymen qaza tapqandardyŋ otbasyna köŋıl aitamyn. Būl orny tolmas ülken qaiǧy. Endı osy oqiǧaǧa toqtalaiyq. Bırınşıden, kez kelgen qaqtyǧys - kışkene jel tūrsa boldy, odan ary lauap, boi bermei ketetın ormandaǧy ört siiaqty bolady. Oǧan taǧy kez kelgen närse – sırıŋke jaqqanyŋ da, mas bolyp töbeleskenıŋ de, qyzdy qyzǧanyp töbeles şyǧarǧanyŋ da türtkı boluy mümkın. Qoǧamdy jailaǧan ädıletsızdık, jemqorlyq, qazaq ūltynyŋ hūqy aiaqqa taptalyp jatqany sekıldı, bızde qazır osyndai alapat ört şyǧatyndai sebep öte köp. Ekınşıden, qandai jaǧdai bolmasyn, ondai kezde telefonǧa tüsırıp, älgı videony tuǧan-tuys, dos-jarandaryna taratatyn adamdar da köbeiıp ketedı. Būl degenıŋ arandatu emes, qalypty närse. Üşınşıden, kez kelgen qaqtyǧystyŋ astarynda ūltaralyq. ekonomikalyq ne basqa bır sebepter jatady. Bıraq bärı töbelespen, adam ölımımen, mülik tonaumen aiaqtalady. Öitkenı adam ondai kezde köptıŋ jetegıne tüsıp, aşu-yzaǧa erık berıp qoiady. Sondyqtan myna mäselelerge köŋıl bölu kerek dep esepteimın. 1. Bärın ädılettı türde şeşıp, jergılıktı bilıktıŋ özıne şara qoldanu kerek. 2. Bıreudı kınälı etıp şyǧaryp, äleumettık jelılerdı, vatsapty būǧattauǧa tyryspau kerek. 3. Halyqttyŋ äleumettık mäselesın şeşu. 4. Qazaqstan halqy Assambleiasy Konstitusiiaǧa özgerıs engızuge ūsynys bıldırgennen basqa ne bıtırıp jür? Assambleianyŋ müşelerın quyp jıberıp, onyŋ ornyna elımızde tūratyn diasporalardyŋ qolynan ıs keletın basşylaryn äkep taǧaiyndau kerek. Sosyn, eŋ basty eskeretın närse! Saiasi reforma jasamasaq, alda da osyndai qaqtyǧys bola beredı. Ötkende Qaraǧandyda da tura osylai boldy. Bızdı qūtqaratyn osy reforma. Äitpese, köşemız qan sasyp, mūndai qaqtyǧystan bolaşaqta da köz aşpaimyz! Oilanyŋyzdar!

Marǧūlan SEISENBAI

Pıkırler