Vise-premer kikıljıŋnıŋ negızgı sebebın bıldı

3170
Adyrna.kz Telegram
https://adyrna.kz/content/uploads/2020/02/vvvv-960x500.jpg?token=78b04a725ab10726aee9ee13adb97dec
Jambyl oblysy Qordai audanyndaǧy oqiǧa saldaryn joiu jönındegı Ükımet komissiiasyn bastap barǧan Berdıbek Saparbaev Masanchi auyly aqsaqaldarynan oqiǧanyŋ negızgı sebebın sūrap bıldı, - dep habarlaidy Tengrinews.kz tılşısı. Audan aqsaqaldarymen äŋgımelesu kezınde Berdıbek Saparbaev bolǧan kikıljıŋnıŋ negızgı sebepterı turaly sūrady.
"Sebebı - tūrmystyq kikıljıŋ. Qazır jaǧdai tūraqtaldy. Barlyǧy zaŋ boiynşa, qūqyqtyq sala aiasynda boluyn sūraimyz", - dedı Sortöbe auylynyŋ tūrǧyny Arli Musarov. Vise-premer audanda tūraqtylyqty qamtamasyz etu üşın Memleket basşysynyŋ tapsyrmasy boiynşa Ükımet komissiiasy arnaiy kelgenın atap aitty. "Bız sızderden, qoǧamda bedelı bar aqsaqaldardan tūrǧyndarǧa bızdıŋ jaǧdaidy obektivtı tūrǧyda anyqtau üşın kelgenımızdı tüsındırulerıŋızdı ötınemız. Kınälıler jazasyn tartady. Barlyq zardap şekkenderge qajettı medisinalyq jäne basqa da kömek körsetılıp jatyr. Qazır basty mäsele - öŋırdegı tūraqtylyqty, qūqyqtyq tärtıp pen qauıpsızdıktı qamtamasyz etu", - dedı Berdıbek Saparbaev. Qordai auylynda vise-premer aruhanaǧa bardy, toptasqan töbeles kezınde zardap şekken tūrǧyndarmen söilestı. Medisinalyq mekemelerge 12 adam jatqyzyldy, 20 adam baqylauda jäne emhanadan şyǧaruǧa äzırlenude. 5 pasient sanitariialyq aviasiia jelısı boiynşa Almaty qalasyna, 1 nauqas Taraz qalasyna auystyryldy. Barlyǧyna qajettı medisinalyq kömek tolyq kölemde körsetılıp jatyr. Medisinalyq kömekke barlyǧy 127 adam jügındı, onyŋ ışınde 84 adam tekseruden soŋ üiıne jıberılgen.
Pıkırler