Qazaqstan Prezidentı Qasym-Jomart Toqaev Qordai audanyndaǧy qaqtyǧystyŋ kımnıŋ kesırınen bolǧanyn aitty, - dep habarlaidy Tengrinews.kz tılşısı.
Būl turaly Toqaev Twitter jelısınde jazdy.
Qasym-Jomart Toqayev ✔@TokayevKZBūl künderı azamattarymyzdan köptegen ötınışter kelıp tüsude. Düngen balasynyŋ beinejazbasyna nazar audardym. Jauap beremın: Menıŋ mındetım - elımızde beibıtşılık pen kelısımdı qamtamasyz etu.
Qasym-Jomart Toqayev ✔@TokayevKZMemlekettık organdar qyzmetkerlerınıŋ salǧyrttyǧy arqasynda arandatuşylar qantögıs jasady. Olar jazalanady. Memleket zardap şekkenderge qoldau körsetedı. Beibıtşılık pen kelısım bızdıŋ basty bailyǧymyz, ony būzuǧa eşkımnıŋ qūqyǧy joq!
Sonymen qatar, Qordai audanynda jaǧdaidyŋ tūraqty ekenın, Berdıbek Saparbaev basqarqan komissiia jūmysyn jalǧastyryp jatqanyn aitty. "Qaiǧyly jaǧdaiǧa jol bergen memorgan qyzmetkerlerı men arandatuşylar jauapqa tartylady. Zardap şekkenderge kömek körsetıledı. Otandastarymyzǧa azamattyq jauapkerşılık ūstanymdary üşın rizaşylyq bıldıremın", - dep jazdy Toqaev. Keşe, 8 aqpanda Qordai audanynda tötenşe jaǧdai rejimı jariialanǧan bolatyn. Eske salaiyq, 7 aqpanda Jambyl oblysy Qordai audany Masanchi auylynda tūrǧyndar arasynda jappai töbeles boldy. Oqiǧa saldarynan 8 adam qaza tapty. Medisinalyq mekemelerge 137 adam kömek sūrap keldı.
