Amangeldı Batyrbekovtıŋ Azattyqqa aituynşa, esep ötıp jatqan zalǧa kıreiın dep jatqanda Saryaǧaş audandyq polisiia basqarmasynyŋ qyzmetkerlerı belgısız sebeppen küş qoldanyp, polisiia avtobusyna salyp alyp ketken. Polisiia özınen bölek taǧy bırneşe adamdy ūstaǧan.
Jurnalistıŋ özı bırneşe ret Facebook-ta tıkelei efirge şyǧyp, bırınde özın polisiianyŋ avtobustan şyǧarmai otyrǧanyn, taǧy bırınde kölıkpen belgısız jaqqa apara jatqanyn habarlady.
"Qūrmettı Toqaev myrza! Būl qandai memleket? Būl ne degen adam qūqyǧyn taptau? Myna tırlıktı qolǧa alu kereksız. Būl oblys äkımınıŋ arnaiy tapsyrmasymen ıstelgen dünie me? Älde mūny polisiia ıstep otyr ma? Būny qalai tüsınuge bolady? Bız tūtqynbyz ma?" dedı jurnalist videojazbalarynyŋ bırınde.
14 aqpanda tüs kezınde Azattyq tılşısı Saryaǧaş audandyq polisiia bölımınıŋ basşysy Äset İbragimovke habarlasyp, jurnalistıŋ ūstaluyna bailanysty tüsınıkteme sūraǧan edı. Ol oqiǧadan habarsyz ekenın, "jinalysta otyrǧanyn" aitty. Al Türkıstan qalalyq polisiiasy äzırge jauap bermedı.
Tüskı bırler şamasynda polisiianyŋ Batyrbekovtı Şymkentke apara jatqany belgılı boldy. Onyŋ ne üşın ūstalǧany belgısız.
Amangeldı Batyrbekov - "Jala jabu" jäne "Qorlau" baptary boiynşa ıstı bolyp, jaqynda aqtalǧan täuelsız jurnalist. Ol aimaqtaǧy jemqorlyq siiaqty qoǧamdyq maŋyzdy mäselelerdı köterıp, maqala jazady. Qazır Türkıstan oblystyq sotynda jurnalistıŋ Facebook-tegı jazbasyna bailanysty "Qorlau" baby boiynşa taǧy bır sot jalǧasyp jatyr.
Resmi BAQ-tyŋ habarlauynşa, äkımnıŋ esep beru jiynyna 700 tūrǧyn qatysqan.
"Azattyq" radiosy
