Koronavirus tabylyp, Japoniia jaǧalauynda karantinge tūryp qalǧan kemede Qazaqstannyŋ tört azamaty: 8 jäne 12 jastaǧy nemerelerımen 2 äiel otyr. Būl aqparatty Azattyq tılşısıne syrtqy ıster ministrlıgınıŋ baspasöz hatşysy Aibek Smadiiarov aitty.
Aibek Smadiiarovtyŋ aituynşa, "olarmen Qazaqstannyŋ Japoniiadaǧy konsuldyǧy kün saiyn söilesıp otyr, densaulyqtary jaqsy, şaǧymdary joq".
- Keşe konsulmen habarlastym. Qazaqstannyŋ 4 azamaty analiz tapsyrǧan. 19 aqpanda karantin bıtedı. Kemedegı 30 myŋnan astam jolauşyny karantinnen bosatu prosesı bırer künge sozyluy mümkın. Kemeden tüsken soŋy taǧy bır ret tekserıledı,- dedı ol.
Keşe Qazaqstan densaulyq saqtau ministrlıgınıŋ bas infeksionisı Dinagül Baeşeva Japoniia jaǧalauynda tūrǧan Diamond Princess lainerınde Qazaqstanyŋ 4 azamaty baryn, olarmen WhatsApp arqyly ūdaiy habarlasyp otyrǧandaryn, aralarynda balalar joq ekenın" aitqan.
Aibek Smadiiarov Dinagül Baeşeva taratqan aqparatty "eskırgen mälımet" dep sanaidy.
Japoniia jaǧalauynda tūrǧan Diamond Princess lainerınde 5 aqpanda bır adamnan koronavirus tabylyp, karantinge jabylǧan. Keme ışınde 50 elden 3700 adam bolǧan. 17 aqpandaǧy derek boiynşa, kruizde 454 adamnyŋ koronavirus jūqtyrǧan.
16 aqpandaǧy mälımetke qaraǧanda, qazır älemde koronavirus jūqtyrǧandar 70 myŋnan, qaza bolǧandar 1700-den asqan. Olardyŋ köbı Qytaida. Ortalyq Aziia elderınde koronavirus jūqtyrǧandar joq.
"Azattyq" radiosy
