Amanjol Ältai: Aqyndar aitystan sarqylǧandyqtan ketıp jatqan joq

– «Amanjol Ältai aitystan ketıptı» dep estıp edık, alaida bır sūhbatyŋyzdan aitysqa qa­tysty jaŋa jobany qolǧa alyp jatqanyŋyzdy oqydym. Sol jobaŋyz turaly aityp berıŋız­şı?

– Keşegı Jambyl, Şaşu­bai, Doskei atalarymyz egde tart­qanşa, qartaiǧanşa ai­tysqan ǧoi. Bıraq bügıngı ai­tys­tyŋ bet alysyn qarasaŋyz, aǧa buyn aqyndar joqtyŋ qa­sy, bala-şaǧa qaldy dese de bo­­lady. Qazırgı aitystyŋ aǧa­sy­na ainalyp kele jatqan Bal­­ǧynbek, Aibek, Serık­zat­tar­­men äŋgımeleskende bai­qa­ǧanym, olar aitysty qoisaq pa, qoimasaq pa degen ekıūşty oi­da jür. Eger otyzdan asqan aqyn­nyŋ bärı aitystan kete ber­se, onda būl ürdıs aitystyŋ damuyna ziianyn tigızedı dep oilaimyn. Öitkenı özınıŋ ai­tysu stilı aiqyndalmaǧan, eş­­qandai mektep qalyptas­tyryp ülgermegen jas aqyn­dar­dyŋ  aitysy aitystyŋ damu qarqynyn tömendetuı äb­den mümkın. Sondyqtan men ai­tysty ūiymdastyruşylar men törelık etuşıler osyǧan ül­ken män beruı kerek dep oi­lai­myn.

– Aqyndardyŋ aitystan ketu turaly oilana bastauyna ne sebep dep oilaisyz?

– Menıŋşe, mūnyŋ bırneşe se­­bebı bar. Sol sebepterdı aşyp, tüsındırıp köreiın. Bı­rın­şısı, qatary ketken er jetım de­gendei, aitysker aqyn jas ba­lalardyŋ ortasynda jetım­sıreidı. Iаǧni aitys älemıne özı­men bırge kelgen aqyndar ai­tystan kete bastaǧan soŋ jal­ǧyzsyraidy. Me­nımen bırge aitysqa kelgen aqyn­dardyŋ köbısı qazır sah­nada joq. Ekınşı sebebı ai­tys­­ty baǧalauǧa bailanysty. My­saly, aǧa buyn aqyn men jas aqyn aitysyp otyrsa, bala je­ŋıp otyr ma, jeŋılıp otyr ma, bärıbır, halyq dauryǧyp ke­tedı, osyndai jaǧdailar onyŋ qarsylasyna ülken äser etedı. Qazylar alqasynyŋ bar­lyǧy tört qūbylasy teŋ tūr­ǧan töbe bi emes qoi. Olar­dyŋ qūra­mynda da tanym-tüsınıgı ärtürlı adamdar otyrady. Tı­zesın batyra otyryp, balany alǧa şyǧaryp jıberetınderı bo­lady. Özınıŋ kemelıne jet­ken, bügıngı aitys önerınde özın­dık mektebı qalyptasqan aqyn­dy aitysqa jaŋa ǧana şyqqan, qalyptasyp ülger­megen jas balaǧa jeŋıldıre salady. Eger bala şynymen düldül bolsa bır jön. Sondyq­tan saǧy synǧan aqyndar jaŋa­ǧydai şeşım qabyldauyna tura keledı. Sebebı qazır aitys jeŋımpazy ūpaimen şeşıledı ǧoi. Taǧy bır ülken sebebı, ǧa­lamtor jelısı arqyly jasal­a­tyn şabuyl. «Osy pälenbai­dyŋ aitysqa şyqqanyna 20 jyl boldy, pälenbai kölık aldy, toimai ma, balalarmen jaǧalaspai, nege qoia salmaidy eken?!» degen adamnyŋ ar-na­mysyna tietın sözder şy­ǧar­maşylyq adamynyŋ janyn jaralaidy. Mūndai auyr söz jai adamǧa äser ete bermeuı mümkın, al ol aqynǧa qatty soqqy bo­­lyp tiedı. Äitpese, bügıngı aqyn­dar aitystan sar­qyl­ǧan­dyqtan, qartaiǧandyqtan ketıp jatqan joq. Öz basym orta buyn aqyndardyŋ aitys sahnasynda jüre bergenın qalar edım.

– Söz basynda qoiǧan sūraqqa qai­ta oralsaq, sonymen sız aitys­qa qandai jobamen şyqpaqsyz?

– Aqseleu aǧam: «Adam eger şek­ten asqan aqymaq bolmasa, öz şamasyn özı bıledı» dep aitatyn. Sol siiaqty özınıŋ qandai deŋ­gei­de ekenın kez kelgen şy­ǧar­maşylyq adamy özı bıledı. Sol siiaqty men de öz därejemdı bı­letın jäne oǧan talǧammen sa­ra­lap qaraityn adammyn. Menıŋ qa­zaq sahnasynda jaqsy bır aqyn­nyŋ deŋgeiınde aitysuǧa şa­mam jetedı dep oilaimyn. De­se de, «onyŋ aitysty qoiatyn ua­qyty boldy ǧoi» degen qaŋqu söz­derdıŋ menı de şarşatqany ras. Aitysqa şyqpai, atymnyŋ tız­gının tejep jürgenım de so­dan.

– Al sondai qaŋqu sözderge ne­ge jyldam «syna» qaldyŋyz?

– Älgınde aitqanymdai, qaŋ­qu sözder adamǧa yqpal etpei qoi­maidy. Sol sebeptı de oilana, tol­ǧana kele, aitysqa jaŋalyq äke­letındei, eldıŋ eleŋ etkıze­tın­dei jobamen şyqqym keldı. Bır­jannyŋ Sarany ızdep baryp ai­tysuy, Süiınbaidyŋ Qyrǧyz elın­degı Qataǧanǧa baryp  ai­tys­uy sekıldı dästürdı jaŋǧyrtsam dei­mın. Qazaq aitys önerınıŋ al­tyn ǧasyry – HIH ǧasyr dep sa­nalady. Sol ǧasyrdyŋ keremet te keregelı halyq aqyndarynyŋ şyǧarmaşylyǧyna qarasaŋyz, bır aqyn ekınşı aqyndy ızdep baryp aitysqan. Sol sekıldı men de qazaqtyŋ bügıngı aitys öne­rın­degı eŋ myqty degen aqynda­ry­nyŋ elıne, jerıne baryp ai­ty­s­sam dep  edım. Ötken ǧa­syr­lar­daǧy aitys önerınıŋ ülgılerın boiyna sıŋırgen jaqsy bır keşendı joba ja­samaq nietım bar. Ärine, būl jobaǧa BAQ-tyŋ qoldauy asa qa­jet. «Pälenbai aqyn tügenbai aqyn­dy aitysqa şaqyryp ja­tyr!» dep elge sauyn aitudy jur­na­lister qauymy atqarsa deimın. Eldıŋ eleŋdep kütıp otyratyn jo­basy bolsa dep edım.

– Sonymen, sız qai aqyndy ai­tysqa şaqyrmaqsyz?

– Äuelı özımmen qatarlas, ök­şeles aqynmen aityssam dep oi­laimyn. Aqyn qyz­dar­dan Sara, Äsem, Ainūr bar, jıgıt­ter­den Balǧynbek, Ai­bek­termen aitysyp bastasam. Joba özınıŋ jaqsy arnasyna tüsken kezde jas aqyndarmen de aity­satyn, söz saiystyratyn sät tuady dep oilaimyn. Būl joba de­meuşısız bolmaidy. Aldyn ala aqyldasyp, kelısımge kelıp otyr­ǧan demeuşı aǧalarym joq emes. Solardyŋ kömegı arqyly, so­n­dai-aq Mä­deniet jäne aqparat ministr­lı­gınıŋ qoldauymen ıske asyrsam deimın. Aqyndardy or­nalastyru, sahnany jalǧa alu – mūnyŋ bar­lyǧy ülken jūmys, bel­gılı däre­jede qarajatty qa­jet etedı. Dese de, ışkı tüisıgım būl jobanyŋ ıs­ke asatynyna se­nedı.

– Juyrda üzdık oqytuşy ata­nyp, arnaiy grantqa ie boldyŋyz. Ol grant sızdıŋ ǧylymi jobamen ai­nalysuyŋyzdy talap etedı. Olai bolsa, aitysqa qalai ülger­meksız?

– Jylyna ekı aqynmen ai­tyssam jetıp jatyr. Qalǧan ua­qytta ǧylymǧa da, jazba poe­ziiama köŋıl böletın uaqytym bo­lady. «Üzdık oqytuşy» atan­ǧan­ǧa deiın, Bılım jäne ǧylym ministrlıgınıŋ arnaiy ǧylymi grantyna ie bolǧanbyz. Ol grant şeteldık sarapşylardyŋ sarap­tauynan ötıp baryp berıledı eken. Menıŋ jetekşılıgımmen «Bü­­gıngı aitystyŋ integrasiialyq sipaty» dep atalatyn ǧylymi jo­­bamyz grantty jeŋıp aldy. Būl joba qazırgı aitys önerın tü­begeilı zertteuge arnalǧan. «Syn tüzelmei, mın tüzelmeidı» de­gendei, bügıngı aitys önerınıŋ damuyna synşylarymyz da sü­belı ülesın qosuy kerek dep bı­le­mın. Qazırgı ol zertteuge zäru. Äri­ne, aitys taqyrybynda ǧy­lymi jūmysyn qorǧaǧan Bal­ǧynbek İmaşev, Jıbek Bol­ta­no­va, Şyrynbek Qoily­baev syndy aqyn­dary bar.  Dei­tūrǧanmen de, bügıngı taŋda ke­şendı zertteu  jürgızıluı qajet. Köptegen oqu oryndarynda ai­tys pän retınde oqytylyp jat­qan­nan keiın, bız aitystyŋ oqu­lyǧyn daiyn­dauy­myz kerek. Mū­nyŋ bärı aitys önerınıŋ ai­na­lasynda jürgen­der­dıŋ atqa­ratyn jūmysy dep oilaimyn.

– Sızdıŋ doktorlyq ǧylymi jū­mysyŋyzdy balalar poeziia­sy­nan qorǧaǧanyŋyz belgılı. Būl ta­qy­rypqa qalai keldıŋız?

– Būl taqyrypty aluyma dok­torlyq dissertasiiamnyŋ je­tekşısı Ūlttyq Ǧylym akade­miiasynyŋ akademigı, belgılı ǧalym Rymǧali Nūrǧaliev aǧam sebepker bolǧan edı. Kez kelgen ızdenuşı zertteu nysanyn ai­qyn­dau barysynda jetekşısımen aqyldasady. bız de keŋese kele, bü­gıngı  ädebiettanu  ǧylymyn­da­ǧy eŋ bır kenjelep qalǧan, sür­leu salynbaǧan balalar poe­ziiasyn zertteudı jön kördık. Būl salada Şegen Ahmetovtıŋ sonau jyl­darda jazǧan oqulyǧynan basqa, balalar ädebietın zert­tegen bırde-bır oqulyq joq eken. Qazaq poeziiasynyŋ keŋes za­many kezınde keremet güldenıp damyǧan bır salasy – balalar poe­ziiasy. Äsırese, 50-60-jyl­dardaǧy Jaqan Smaqovtardyŋ, Mūz-aǧaŋdardyŋ, Qadyr Myrza Älı, Tūmanbai Moldaǧaliev­ter­dıŋ kezındegı «Pioner», «Bal­dyr­ǧan» jur­naldarynyŋ qazaq elı­nıŋ bü­gıngı el aǧalaryna ainalǧan aǧa-apalarymyzdyŋ ūlttyq ru­hyn oiat­qany, janyna ruhani när ber­genı anyq.Balalar poe­ziia­syn zert­teu  menıŋ  qyzyǧu­şy­lyǧym-dy tuǧyzdy. Būl taqy­rypta mo­nog­rafiialyq eŋbegım jaryqqa şyqty. Taiauda «Üzdık oqytuşy» retınde alǧan gran­tym­nyŋ qara­jatyn sol balalar ädebietı tu­ra­ly oqulyq pen hres­to­ma­tiiasyn şyǧaruǧa jūm­samaq nietım bar.

– Bügıngı taŋda balalarǧa ar­nap öleŋ jazatyn aqyndar joqtyŋ qa­sy degenge kelısesız be?

– Öte tamaşa sūraq qoiyp otyr­syz. Täuelsızdık jyldary­nan keiın prozaǧa qaraǧanda, qazaq poeziiasy keremet damyp jat­qany dausyz. Bıraq bügın poe­ziia älemındegı jas aqyndar ba­lalar poeziiasyna qalam ter­be­meidı, balalarǧa arnap öleŋ jaz­baidy. Sız qazır jarqyrap şyq­qan jas aqyndardyŋ bala­larǧa arnaǧan öleŋderın tauyp berıŋızşı. Keibır aqyndarda «ba­laǧa taqpaq jazu – menıŋ deŋ­geiım emes, men odan joǧarymyn» degen qasaŋ tüsınık boluy mümkın. Al men balalar ädebietın zert­teuşı retınde balaǧa arnap taqpaq jazu, öleŋ jazu eresekterge öleŋ jazu­dan anaǧūrlym qiyn ekenın aitar edım. Öitkenı aqyn eŋ äuelı balanyŋ ışkı älemıne, psiho­lo­giiasyna enuı kerek, bala bolyp oi­lap, bala bolyp oinauy kerek, son­da ǧana balalarǧa arnalǧan keremet öleŋder şyǧady. Keide Jaqan Smaqovtar men Tūmanbai aǧa­lardyŋ balalarǧa arnaǧan öleŋ­derın oqyǧanda, balalar äle­mıne enıp ketkendei küi ke­şe­sız. Sondyqtan qazaqtyŋ jas aqyn­daryna aitar aǧalyq tılegım, är­qaisysy balaǧa arnap on şaq­ty öleŋ jazsa, būl olardyŋ bala­larǧa jasaǧan baǧa jetpes syiy bolmaq. Sebebı būl taqyrypta öleŋ jazatyn aqyndar qartaiyp barady, eŋ jas degen Bauyrjan Jaqyp pen Qymbat Äbıldaqyzy eluden asyp kettı.

– Al özıŋız balalarǧa arnap öleŋ jazdyŋyz ba?

– Balalarǧa arnap öleŋ jazu qo­lymnan kelmeidı demeimın. Bı­raq äzırge jaza qoiǧan joqpyn. Balaǧa arnap öleŋ jazu öte qiyn. Degenmen jazuym kerek. Joǧa­ryda aty atalǧan aqyndarmen qatar, Jeŋıs Qaşqynov, Kärım Sauǧabai syndy aǧalarymyz da balalarǧa arnap öleŋ jazdy. Je­ŋıs aǧamyzdyŋ qazaq balalar poeziiasynda özındık qoltaŋbasy qaldy. Kärım aǧany Iliia Ja­qanovpen jazǧan änder sikly arqyly bıletınder bar. Ol  kı­sı­nıŋ keremet balalar aqyny ekenın köpşılık bılmeidı. Son­dyqtan balalar poeziiasy turaly oqulyqtar şyǧaruymyz kerek. Eŋ qiyny, osyndai kökeikestı eŋbekterge bölınetın memleket qarjysyn bızge jetkızbei qaǧyp ketetın şiraq adamdar köp. Ǧy­lymǧa qatysy bolmasa da ǧy­lymi-zertteu ortalyǧyn qūryp alyp, qarjy tauyp jürgender köp. Qarjyny alǧanymen, igeru­ge kelgende joqtan bar qūrap, jürdım-bardym atqara salady. Maǧan byltyr bır äiel adam keldı. Sondai bır orta­lyq­tyŋ basşysynyŋ orynbasary eken. Älgı ortalyq ekı jyl būryn ba­lalar oqulyǧyn jazuǧa arnal­ǧan tenderde jeŋımpaz bolypty, qarajatyn da alǧan, ärkımge tap­syryp körgen, sebebı özderınıŋ qolynan kelmeidı, jaza almaidy. Sodan maǧan ūsynyspen kelıp tūr, «oqulyq daiyndap berseŋız, 60 myŋ teŋge töleimın» deidı. Mı­ne, osyndai keleŋsızdıkter bar endı.

– Sızdıŋ doktorlyq jūmy­syŋyz­da toqsanynşy jyldarǧa deiıngı balalar poeziiasy qam­tyl­ǧan eken. Täuelsızdık jyl­da­ryn­daǧy kezeŋdı nege zerttemedıŋız?

– Mūnyŋ özındık sebebı bar. Ba­la­lar ädebietınıŋ eŋ damu ke­zeŋı keŋes zamanynda bolǧanyn moiyndauymyz kerek. Toqsanyn­şy jyldardan bergı kezeŋde ba­­­­lalar poeziiasy keremet damy­dy dep aita almaimyn. Täuel­-sız­dık jyldaryndaǧy balalar  poe­ziia­­syn Lira Qonys degen qa­­­­­­ryn­­dasymyz zerttedı.

– Sızdıŋ ötken jyly qūrylǧan Ai­tys aqyndary men jyrşy-ter­meşıler odaǧynyŋ basy-qasynda jürgenıŋızdı bılemız. Būl Odaqtyŋ jūmysy qalai jürıp jatyr? Ai­tys aqyndary men jyrşy-ter­me­şılerge berer paidasy bar ma?

– Baiqap qarasaq, Qazaq­stan­da 25 myŋnan astam kom­mer­siialyq emes ūiym bar eken. Tıp­tı it pen mysyq asyrauşy­lar­dyŋ da ūiymy bar. Alaida osy uaqytqa deiın ǧasyrdan-ǧa­syrǧa jalǧasyp kele jatqan qa­zaqtyŋ aitys önerınıŋ qazyq qaq­qan şaŋyraǧynyŋ bolmauy – köŋılımızdı ortaityp kelgenı aqi­qat. Bıraq ötken jyly Mä­de­n­iet jäne aqparat ministrlıgınıŋ oŋ qabaq tanytuymen Odaq qū­ryl­dy. Alaida Odaqtyŋ düniege kelgenı jaiynda BAQ-ta keŋ türde qūlaqtandyrylǧan joq. Odaq töraǧasy bolyp aitystyŋ ystyǧyna küiıp, suyǧyna toŋyp kele jatqan Jürsın Erman, al onyŋ negızgı alqa müşesı ärı oryn­basarlary bolyp Se­rıkzat ekeumız sailandyq. Odaqta jyrşy-termeşıler de bar, qa­zaqtyŋ aitysy men jyrşylyq önerı qūstyŋ qos qanaty sekıldı egız öner ǧoi. Sondyqtan da Al­mas Almatov sekıldı jyrşylyq önerdıŋ köş basynda tūrǧan aǧa­larymyz alqa müşesı bolyp endı. Odaqtyŋ aiaǧynan tık tūryp ketuı qarjyǧa bailanysty. Būl rette belgılı bır qiyndyqtar bastalyp ta jatqan sekıldı. Osyǧan deiın mi­nistrlıktıŋ kömegımen «Qazaq äuenderı» AQ ǧimaratynan Odaq­qa bır bölme berılgen edı, taiauda ǧana estıdım, bölmenıŋ jalǧa be­rılgen uaqyty aiaqtalypty, bız baspanasyz qaldyq. «Aihai, me­nıŋ boz üiım, keŋ saraidai öz üiım» degendei, bas qosyp, keŋes qū­ra­tyn şaŋyraǧymyz bolsa dep armandaimyz. Jürsın aǧamyz komitettıŋ esıgın künde bolmasa da künara tozdyryp jür. Asta­nada, qūdaiǧa şükır, mädeni oşaq­tar jeterlık, bızge sol ǧi­ma­rattardan bır-ekı bölme būiy­ryp qalar.

– Būl materialdyq mäsele ǧoi, şeşıletını aqiqat, al Odaq­tyŋ aqyndardy ruhani qoldaudaǧy rölı qandai bolmaq?

– Odaqtyŋ negızgı jūmys ıs­teu täsılı bırneşe arnada bolady. Qa­zırgı aitys önerınde sahnada jürgenı bar, sahnadan ketkenı bar, aqyndardyŋ özı ülken köşke ai­naldy ǧoi. Jyrşy-termeşı­lerımız de bır qauym el. Solardyŋ aldy 50, 60-qa kelıp jatyr, olar­dy ne Jazuşylar odaǧy, ne mi­nistrlık, ne jergılıktı äkımdıktegı mädeniet basqarmasy ızdemeidı, atausyz qalyp jatqandary köp. Endı Odaq özınıŋ ärbır müşesınıŋ joqtauşysy bolmaqşy. Olar­dyŋ materialdyq jaǧdaiynan bastap, ruhani toqyrauǧa ūşy­ramasy üşın tıregı bola bılu mın­detımızge ainalady. Sonymen qa­­­­tar bügıngı aitystardy beine­taspa, audiojazba türınde ūrpaq­qa jetkızu de – armanymyz. «Mä­de­ni mūra» baǧdarlamasy boiyn­­­­­­şa «Qazaqtyŋ myŋ änı», «Qa­zaqtyŋ myŋ küiı» şeteldık sapamen ja­ryq  kördı. Endı bızdıŋ  armanymyz – qazaqtyŋ arǧy-ber­gıdegı taŋ­dauly aitystarynyŋ jinaǧyn şyǧaru. Qataǧan men Süiın­bai­dyŋ, Bırjan men Saranyŋ, Äset pen Yrysjannyŋ aitystaryn jyrşy-termeşılerımızge oryn­datyp jazyp alsaq, sosyn bügıngı Jandarbekke deiıngı  aqyndar­dyŋ taŋdauly aitystarynan kırgız­sek, sonyŋ barlyǧy ruhani qazy­na­myzdy tolyqtyra tüserı anyq.

– Jaŋa ǧana bır sözıŋızde Odaq­tyŋ jūmysyna qarajat ke­rek dep qaldyŋyz. Odaq qoǧamdyq ūiym retınde memlekettık tapsy­rys aluyna bolady ǧoi…

– Onyŋyz ras, menıŋ bıluım­şe, bızdıŋ qoǧamda memleketke pai­dasy bar jobalarǧa qarjy az bö­lınıp jatqan joq. Bıraq ökı­nış­tısı, sol qarajattyŋ köbısı hal­qy­myzdyŋ ruhani igılıgıne pai­dasy joq jobalarǧa, köl­de­neŋ kök attylardyŋ qor­jy­nyn­da ketıp jatyr. Būǧan özımızdıŋ de belgılı bır därejede salǧyrt­tyǧymyz sebep dep oilaimyn. «Demeuşı kerek» dep oibailap jürgenımızde, basqalar qarjyny qai tūstan alu keregın bılıp alǧan. Alla qalasa, bız de ministrlıktıŋ özımızge qatysy bar jobalarynyŋ tende­rıne qatysyp köremız.

Aitys qai zamanda da ūlttyq ideologiianyŋ basty tıregınıŋ bı­rı bolǧan. Keşegı soǧystyŋ qai­nap jatqan kezeŋınde Mūhtar Äuezov, Ǧabit Müsırepov syndy ūlttyŋ ūly tūlǧalary nege osy aitystyŋ basynda jürdı? Öit­kenı olar jau jaǧadan, it etekten alǧanda, ha­lyqtyŋ ruhy ezılıp qinalǧanda, eldıŋ ruhyn köteru üşın eŋ kerek qūral – aitys önerı ekenın bıldı. Mä­selen, 1942 – 1943 jyldary bır jyldyŋ özın­de qazaq dalasyn­da on şaqty aitys ötken. Olai bolsa, aitys öne­rı bügın de sol özınıŋ ūltqa de­gen qyzmetın kör­sete beruı ke­rek.

– Sızben sūhbattasatynymdy estıgen ärıptesterım Amanjol aǧa­nyŋ balalary turaly sūrasaŋyz dep edı…

– Ülken qyzym Şahzada öt­ken jyly Astanadaǧy №38 mek­teptı üzdık bıtırıp, memlekettık grant­qa ie boldy. Äl-Farabi atyn­­daǧy Qazaq Ūlttyq univer­sitetınıŋ älemdık ekonomika mamandyǧy boiynşa bılım alyp jatyr. Ekınşı qyzym Altynai 10-synypta oqidy. Alla qalasa, apasynyŋ jolymen ülken uni­ver­sitette oquyn jalǧastyrady dep oilaimyn. Ūlym Aqjoltai Qaraǧandyda, ata-äjesınıŋ qo­lynda. 4-synypta oqyp jür.

– Balalaryŋyzdyŋ arasynda jo­lyŋyzdy quyp, öleŋ jazyp, dombyra ūstap jürgenderı bar şy­ǧar?

– Şahzadamnyŋ eptep öleŋ ja­zatyny bar. Ūlym dombyra, än üiırmesıne barady. Oblystyq küişıler baiqauynyŋ diplo­man­ty bolyp ülgerdı, ülken sah­na­ǧa şyǧyp jür. Qorjynynda bır­neşe küi bar, än de aityp jür.

– Bolaşaqta «aitysqa şyǧa­myn» dese qaitesız?

– Ärine, quanamyn, bıraq qa­zır ondai niet bıldırıp jürgen joq. Aitys aqyny boluǧa älı jas. Aitysqa 15-16 jas­ta keldım ǧoi. Eger balamnyŋ boiy­nan improvizasiialyq ai­tys öne­rınıŋ ūşqynyn baiqai­tyn bol­sam, äkesı retınde bauli­myn dep oi­laimyn.

Sūhbatty jürgızgen

Halima BŪQARQYZY, «Aiqyn».