Qazaqstan Respýblıkasy Ulttyq mýzeıinde «Ulttyq mýzeıge syı tartý» akııasynyń jalǵasy retinde jádigerlerdi qabyldaý sharasy ótti, dep habarlaıdy Ulttyq mýzeıdiń aqparattyq-ımıdjdik qyzmeti. Jıynda sóz alǵan Ulttyq mýzeı dırektorynyń orynbasary Jáken Taımaǵambetov «Ulttyq mýzeıge syı tartý» akııasy qundy járigerlerdi joǵalyp ketýden saqtap qalý úshin jáne olardy bir orynda toptastyrý maqsatynda júrip jatqanyn aıtty.
«Osydan bir jyldaı ýaqyt buryn dál osy jerde «Ulttyq mýzeıge syı» akııasy bastaý alǵan bolatyn. Osy ótken bir jylda akııa Astana, Almaty jáne Qyzylorda qalasynda úsh dúrkin ótip, nátıjesinde mýzeı qoryna túsken 1305 jádigerden jeltoqsan aıynda «Ulttyq mýzeıge syı» kórmesi uıymdastyryldy. Sol alǵashqy akııa barysynda qoǵam jáne saıasat qaıratkeri Erlan Karın jebeniń oqtaryn, Ádilet mınıstriniń orynbasary Baqytjan Ábdiraıym Bıler sotynyń laýazymdyq belgisi syndy tarıhı jádigerlerdi mýzeıge tapsyrdy. Sonymen qatar kez-kelgen qazaq esimderin maqtanyp aıtatyn Shámshi Qaldaıaqov, Kenen Ázirbaev, Qadyr Myrza Áli, Jaqsylyq Úshkempirov jáne kóptegen basqa tarıhı tulǵalardyń paıdalanǵan buıymdaryn, eńbekterin endi mýzeı ekspozıııasynan kórýge bolady» – dedi J.Taımaǵambetov.
Bul jolǵy qabyldanǵan jádigerlerdiń qatarynda Ábish Kekilbaev, Roza Baǵlanova, Zeınýlla Alshynbaev, Madına Eralıeva, Aleksandr Vınokýrov qatarly dańqty tulǵalardyń jáne taǵyda basqa tanymal adamdardyń jeke ómiri men shyǵarmashylyǵyna qatysty zattar bar.
Maral Saǵynaıqyzy BAǴLANOVA, (R.Baǵlanovanyń kelini):
-Biz anamyzdyń 1960 jyldardyń aıaq sheninde tigilgen sahnalyq kóılegi, qolyna ustaǵan oramalyn jáne sahnalyq aıaq kıimin búgin mýzeıge tabystap jatyrmyz. Bul kıimderdiń barlyǵyn apamyzdyń jeke tiginshisi tikken bolatyn. Sonymen qatar ózimizdiń sýretshi salǵan apamyzdyń portreti, shaǵyn kartınalary bar. Ult tarıhyna qatysty jádigerlerdi jınap jatqan Ulttyq mýzeıge alǵysymyz sheksiz.
Arsen ERALIEV, (M.Eralıevanyń uly):
-1997 jyly daıyndalǵan anamnyń sahnalyq kıimin jáne taǵy basqa tutynǵan zattaryn tabystap otyrmyz. Sonymen qatar biz úshin eń qundy jádiger anamnyń ustaǵan baıanyn Ulttyq mýzeıge syıǵa tarttyq. Anam 1970 jyldardan bastap 1995 jyldarǵa deıin baıanmen qosylyp án aıtqan. Talaı gastroldik saparlarda osy baıandy arqalap júrgen bolatyn. Sondyqtan da bul baıannyń halqymyz úshin de, biz úshin de oryny erekshe dep oılaımyz.
Sonymen qatar QR kórkemóner Akademııasynyń akademıgi, Qazaqstannyń eńbek sińirgen qaıratkeri, ulttyq naqyshpen órnektelgen shyǵarmalary ańyz ben ertegiler álemin elestetetin Tileýjan Batanov, Qazaqstannyń eńbek sińirgen qaıratkeri, sımvolıst-sýretshi, monýmentalıst, «Qazaq Eli» monýmentiniń avtory, músinshi Sembiǵalı Smaǵulov, QR Sýretshiler odaǵynyń múshesi. QR mádenıetine Eńbek sińirgen qaıratker, QR Eńbek sińirgen óner qaıratkeri, QR Kórkem óner akademııasynyń tolyq múshesi, keskindemeshi, sýretshi-monýmentshi, portretshi Erlan Sahıpuly qatarly sýretshi, músinshiler de óz týyndylaryn mýzeıge syı retinde tabystady.
«Ulttyq mýzeıge syı tartý» akııasy 2015 jyly naýryz aıynda bastalǵan. Akııanyń ashylý saltanatyna Úkimet basshysynyń sol kezdegi orynbasary B.Saparbaev bastaǵan laýazymdy tulǵalar jáne qoǵam qaıratkerleri qatysqan bolatyn. Akııa osy ýaqytqa deıin Astana, Almaty, Qyzylorda qalalarynda uıymdastyryldy. Nátıjesinde 1300-deı qundy jádiger Ulttyq mýzeı zaldarynan oryn alǵan bolatyn. Akııa aldaǵy ýaqytta da jalǵasyn tabatyn bolady.
