Äleumettık jelıden alynǧan suret
Işkı ıster ministrı Erlan Tūrǧymbaev qarumen qaşyp ketken äskeri qyzmetker jaily aitty, - dep habarlaidy Tengrinews.kz tılşısı.
"Kelısım-şartpen jūmys ısteitın sarbaz qyzmet ornynan tapanşa men avtomattar ūrlap, ketıp qalǧan. Qazırgı uaqytta ol ūstaldy. Qaru-jaraqtardy tärkıleu boiynşa tergeu şaralary jürıp jatyr. Barlyq tergeu ıs-äreketterı aiaqtalǧannan keiın, sondai-aq onyŋ sybailastary, qarular qaida jasyrylǧanyn jäne onyŋ qalai alynǧany anyqtalǧannan keiın, aqparatty jeke beremız. (...) Äzırge aitarym bır, osy qarulardan eşkım zardap şekken joq", - dedı ministr Senatta jurnalisterdıŋ sūraqtaryna jauap bere otyryp.
Eske salaiyq, Türkıstan oblysynda sarbaz qaru-jaraq alyp, äskerden qaşyp ketken. 20 aqpanǧa qaraǧan tünı kışı serjant qyzmettık ornynan öz erkımen ketıp qalǧan.
"Sol uaqytta atys qaruynyŋ sany azaiǧany belgılı boldy. Qūqyq qorǧau organdary men äskeri polisiia küşımen äskeri qyzmetker men joǧalǧan qarulardy ızdeu jäne ūstau boiynşa şūǧyl şaralary jürıp jatyr", - dedı vedomstvodaǧylar.
Tengrinews.kz oqyrmandary redaksiianyŋ WhatsApp-nömırıne jıbergen mälımet boiynşa, oqiǧa №10216 äskeri bölımınde bolǧan. Būl Şymkentten 30 şaqyrym jerdegı Badam auyly.
Sol habarlamada 20 aqpanǧa qaraǧan tünı kışı serjanttyŋ qyzmet ornyn öz erkımen tastap ketkenı aitylady. Ol özımen bırge 30 Kalaşnikov avtomaty men 27 Makarov tapanşasyn jäne 429 oq-därı alyp ketken delınedı.
