22 aqpanda azamattardy "zaŋsyz mitingıge" şyqpauǧa şaqyryp, eskertu jasaǧan Qazaqstan bas prokuraturasy jūma künı taǧy mälımdeme jasady. Onda vedomstvo şetelde tūratyn oppozisiialyq saiasatker Mūhtar Äbliazovtı qaralap, ol şaqyrǧan mitingıge qatyspauǧa keŋes bergen.
Mälımdemede bas prokuratura Äbliazovtı "qoǧamǧa ırıtkı salyp jürgen qylmysker", "eldegı ırı oqiǧalardy jeke müddesıne paidalanǧysy keletın qylmystyq jauapkerşılıkten qaşyp jürgen" adam retınde sipattaidy. Vedomstvo adamdardy "arandatuǧa ılıgıp ketpei, zaŋsyz aksiialarǧa qatysudan bas tartuǧa" şaqyrady.
Qazaqstan bilıgın synauşy, şetelde tūratyn oppozisiialyq saiasatker Mūhtar Äbliazov jaqtastaryn mitingıge şaqyrǧan saiyn bas prokuratura azamattarǧa eskertu jasap, "zaŋsyz mitingıge qatysqandar" äkımşılık jazaǧa tartylady dep mälımdeumen keledı. Äbliazov qūrǧan "Qazaqstannyŋ demokratiialyq taŋdauy" qozǧalysy 2018 jyly elde "ekstremistık ūiym" dep tanylyp, qyzmetıne tyiym salynǧan. Al Äbliazov Qazaqstan sotynyŋ şeşımımen kelıspeidı. Europarlament 2019 jylǧy nauryzdaǧy rezoliusiiasynda QDT-ny "beibıt oppozisiialyq qozǧalys" dep ataǧan.
Keibır qūqyq qorǧauşylardyŋ aituynşa, yqtimal miting qarsaŋynda Qazaqstanda belsendılerdıŋ qamalyp, miting bolady dep belgılengen oryndardyŋ qorşauǧa alynatyny ädetke ainalǧan. Būl joly da Qazaqstannyŋ türlı aimaǧynda jiyrmadan astam belsendı (keibır belsendıler būdan da köp boluy mümkın deidı) qamaldy.
Mūhtar Äbliazovqa Qazaqstanda "aqşa jymqyru", "qylmystyq top qūru", "adam öltırudı ūiymdastyru" siiaqty bırneşe auyr baptar boiynşa aiyp taǧylyp, ekı ret syrttai sottaldy. Äbliazov Qazaqstan bilıgı taqqan aiyptyŋ bärın joqqa şyǧaryp, "bilıkke oppozisiia bolǧanym üşın öş alǧysy keledı" dep sipattaidy.
Oqi otyryŋyz: Syrttai sottaudyŋ qazaqstandyq "dästürı"
Qazaqstanda halyq qandai da bır beibıt şeru, mitingıge şyǧatyn bolsa, jergılıktı äkımdıkten aldyn ala rūqsat aluy tiıs. Bilık rūqsat berılmegen mitingınıŋ bärın "zaŋsyz" dep tauyp, qatysuşylaryn ūstaidy jäne jauapqa tartady. Halyqaralyq qauymdastyq Qazaqstan bilıgınen "Beibıt miting zaŋyn" qaita qarap, halyqqa öz oiyn erkın aituǧa kedergı keltırmeudı talap etıp keledı."Azattyq" radiosy
