Almatydaǵy «Rýh BG» baspasynan jazýshy Beıbit Qoıshybaevtyń ótken ǵasyrdyń 30-shy jyldarynda saıasıqýǵyn-súrginge ushyraǵan tulǵalar jaıynda syr shertetin «Túnekten oralǵan esimder» atty tórt tomdyq jınaǵynyń tórtinshi kitaby jaryq kórdi (Qoıshybaev B. Túnekten oralǵan esimder: tulǵa jáne tarıh. 4-kitap. Qabyrǵa. – Almaty: «Rýh BG» baspasy, 2016. – 248 bet + 4 japsyrma bet). Bul tomda jazyqsyz jazalanǵan on shaqty memleket jáne ádebıet pen mádenıet qaıratkerleri týraly sóz bolady.
Tórt tomdyqtyń osy sońǵy kitaby Qazaq Respýblıkasy úkimetiniń basshysy Oraz Isaevtyń ómiri men qyzmeti jaıynda qaıta qurý jyldarynda jarııalanǵan materıalmen ashylǵan. Munda oqyrman Isaevty kórgen, qaıratkerlik qarymyna tikeleı kýá bolǵan, sondaı-aq qyzmettesteriniń de ol jónindegi pikirlerin kezinde estip-bilgen ardagerdiń júrekjardy esteligimen birge, onyń beınesin asha túsetin keıbir tarıhı qujattarmen tanysady. Kitapta Sanjar Asfendııarov, Janaıdar Sadýaqasov, Sultan Segizbaev, Ǵabulhákim Bókeıhanov, Temirbek Júrgenov syndy memleket qaıratkerleri, Maǵjan Jumabaev, Qoshke Kemeńgerov, Dinshe Ádilov sekildi ádebıet, mádenıet qaıratkerleri, sondaı-aq respýblıkamyzdyasharshylyqtan keıin basqarýǵa kelgen Levon Mırzoıan haqynda materıaldar bar. Solarmen tanysqan oqyrmanatalǵan tulǵalardyńeline sińirgen eńbegimen qatar ulttyq tarıhymyzdyń keı kómeski betterinen jáne saıası repressııalarastarynan biraz maǵlumat alady.
Avtor gazet-jýrnaldarda otyz shaqty jyl ishinde shyqqan túrli jarııalanymdarynan toptastyrylǵantórt tomdyǵyn aıaqtaı kele, «Sóz sońynda» solardyń negizinde Alash qozǵalysy dastanyn jasaýdy kózdeıtin úlken jobasy baryn aıtady.
«Túnekten oralǵan esimder» jınaǵy Alash qozǵalysynyń 100 jyldyǵyna, Álıhan Bókeıhanovtyń 150 jyldyǵyna, 1916 jylǵy ult-azattyq kóterilistiń 100 jyldyǵyna, táýelsizdiktiń 25 jyldyǵyna oraı, bútkil ult azattyǵy jolyna janyn bergen kúreskerler rýhyna arnap shyǵarylyp otyr. Onyń Otan tarıhymen áýestenetinder, zertteýshiler, stýdentter, oqýshylar jáne, árıne, qalyń kópshilik úshin paıdaly bolary kámil. Atalmysh jumysqa qyzyǵýshylyq tanytyp, kitapty satyp alǵysy keletin azamattar (8 727) 374-83-42, 8 701 746 33 01 telefondaryna habarlasýyna bolady.
Sýrette: B. Qoıshybaevtyń «Túnekten oralǵan esimder» jınaǵynyń 4-kitaby
"ADYRNA"
