Arysqa bölıngen milliardtar qaida kettı? Jarylystan zardap şekken Arys käsıpkerlerı jyrtyǧyn älı jamai almai jür. Sebebı, olarǧa bölıngen qarajat jetpegen. Şaǧyn jäne orta biznespen ainalysyp jürgenderge Qazaqstannyŋ alpauyt kompaniialary byltyr kömek retınde milliardtap aqşa jöneltken edı. Käsıpkerlerdıŋ aituynşa, sol qarjy jergılıktı şeneunıkterdıŋ kesırınen dıttegen jerıne jetpei jatyr. Mäselen, tızımge jalǧan biznes nysandary enıp, şyn zardap şekkender qarjydan qaǧyldy deidı olar. Arystyq käsıpker Mūhamedjan Saparhanov qiraǧan dämhanasyn küiınışpen körsetedı. Ömır boiy tam-tūmdap jiǧanyn salyp, nesie alyp aşqan dämhanasynyŋ şaŋyraǧy byltyr şıldede ortasyna tüsken. Alty balasy bar azamat şyǧynyn 50 million teŋgege baǧalaidy. Bıraq baǧalauşy kompaniia 25 million dep körsetıp, byltyr beruı kerek bolǧan. Sol aqşany kütıp jürgenıne jarty jyldan asypty.
Mūhamedjan Saparhanov, käsıpker:
- Bıraq osy uaqytqa deiın osy segız aidyŋ ışınde, eŋ bolmasa sol şyǧarǧan aqşasyn berse, bırtalai tırlıgımdı jamap alar edım ǧoi. 25 millionnan. Moinymda 2-3 kredit tūr qazır. Qysqy uaqytta jūmys joq. Ne ısteimız? Arysta Mūhamedjan siiaqty zar jylap jürgen käsıpker sany alpystan asady. Bıreuınıŋ dükenı, bıreuınıŋ meiramhanasy qiraǧan. Jarylystan keiın qaladaǧy 465 kommersiialyq nysanǧa Qazaqstannyŋ alpauyt kompaniialary kömek berıptı. Bıraq milliardtaǧan aqşa köp käsıpkerge jetpei qalǧan.
Ūbaidulla Süiınbaev, käsıpker:
- Ökımet sol kezde eseptep otyr ǧoi, 465 nysanǧa 3 milliard 155 million. Bız sonyŋ 1 milliard 300 millionnyŋ käsaıpkerge tölengenın kördık. Odan keiın qalǧan aqşanyŋ qaida ketkenın bılmeimın. Ǧimarattar odan saiyn bülınıp jatyr. Qūrylys materialdary, qūrylys zattary qymbattap jatyr. Mıne, būl jerde jalǧyz men emes, 68 adam jür. Aqşasyn ala almai jürgenderdıŋ qolynda Käsıpkerler palatasy bergen tızım bar. Tızımde qai meken-jaida, qandai düken älde dämhananyŋ bülınıp, qanşa aqşa aluy kerek, ne alǧany jazylǧan. Käsıpkerlerdıŋ sözınşe, tızımdegı bıraz nysan qūjatta bolǧanymen, şyn mänınde joq eken.
Anatolii Runkov, käsıpker:
- Keibır nysandar qaǧazda ǧana bar. Keibırı tıptı üş märteden jazylǧan. Tızım qolymyzǧa tigen soŋ, mūnda körsetılgen nysandar boiynşa jürıp kördık. Körsetılgen meken-jaida biznes nysannyŋ ornyna kädımgı üiler de tūr. Osyndailar aqşa alyp, bızge kök tiyn da būiyrmai tūr. Al aqşany ülestırgen «Menıŋ atamekenım» qorynyŋ basşylyǧy tızımge kümän keltırıp otyrǧan joq. Degenmen zardap şekkenderdı tügendegen olar emes eken. Tızımdı baǧalauşy kompaniianyŋ deregıne süienıp, Türkıstan oblystyq qūrylys basqarmasy men sol kezde arnaiy qūrylǧan ştab jıbergen.
Läzzät Şyŋǧysbaeva, «Menıŋ atamekenım» QB direktory:
- 3 mlrd 97 mln kımge jettı. 403 nysanǧa jettı. 62 nysanǧa bızde qarajat joq. Joq qarajatty bız qalai beremız? Joq, bıttı. Qarajat osynyŋ bärınıŋ esepterın jazyp, kanseliariiaǧa ötkızdık, ükımetke. Būl eseptı ırı kompaniialarǧa da berdık.
Arystyq 60-tan astam käsıpkerdıŋ şyǧynyn jabuǧa şamamen 400 million teŋgedei qarajat kerek eken. Būl turaly ūsynys Ükımettıŋ kanseliariiasynda jatyr. Naqty qaşan şeşıletının eşkım de aita almaidy. Dese de, aqşasyn erterek alǧysy kelgen käsıpkerler osyǧan deiın berılgen mol qarjynyŋ är tiynyna deiın tekserıs jürgızse, bıraz bylyqtyŋ betı aşylaryna senımdı.
ktk.kz
