Búgin Tileýhan Shildebaıuly bastaǵan mamandar Almaty qalasy ákimdiginiń baspasóz ortalyǵynda koronavırýs ınfekııasynyń taralýyna qarsy áreket etý boıynsha atqarylyp jatqan jumys týraly shuǵyl baspasóz máslıhatyn ótkizdi. Shuǵyl jıynǵa Nege.kz portalyndaǵy maqala sebep boldy dep shamalaımyz.
«DDSU-nyń málimetinshe, álemniń 72 elinde koronavırýstyń taralǵany belgili. Almaty qalasy, mekemeleri qazir aýrýdyń aldyn alýǵa jáne epıdemııaǵa qarsy turýǵa baılanysty tolyq daıar. Bul jumystar qalalyq shtabtyń basqarýymen júrgizilýde. Búginde qalaǵa ınfekııanyń taralý qaýpi joǵary memleketterden kelgen adamdardyń tizimi kún saıyn monıtorıng ortalyǵyna beriledi. Osy ortalyqta árqaısysy jeke zerttelip, ártúrli kategorııaǵa bólinip, medıınalyq baqylaýǵa alynady. Qaladaǵy kópsalaly medıınalyq ortalyqta 14 kúnge karantınge jatqyzatyn adamdardy anyqtaımyz. Qazir aýrýhanada «A» sanatyndaǵy 131 adam jatyr. Birinshi «B» sanatyndaǵy 119 adam úıde dáriger baqylaýynda, ekinshi sanattaǵy 955 azamat ta júris-turysyn shekteıdi, al monıtorıngtik baqylaýda 1632 adam bar. Medıınalyq mekemeler medıkament qory, qural-jabdyqtarmen qamtamasyz etilgen. Adam sany kóbeıse, qosymsha tósek orynmen qamtamasyz etiledi», – dedi basqarma basshysy.
Almaty qalasy týarlar men qyzmetterdiń qaýipsizdigin baqylaý departamenti basshysynyń orynbasary Ásel Qalyqovanyń aıtýynsha, qazir Qytaıdan tikeleı ushyp keletin reıster toqtady. «Almatynyń qaqpasy – áýejaı. Qazir Ońtústik Koreıadan aptasyna eki-aq reıs ushyp keledi. Buǵan deıin kóp edi. Arnaıy 24 maman kúndiz-túni jumys istep, kelip-ketetin reısterdi anyqtap, saýalnamaǵa jaýap alady. Almatyǵa qansha adam ushyp keldi nemese tranzıtpen ushyp ketkenin qadaǵalaıdy. Qazir tranzıt zaly ashyldy. Olardyń qalaǵa shyqpaýyn qadaǵalaıdy», – dedi.
«Koronavırýs álemdi alańdatyp otyr. Densaýlyq – adamǵa berilgen amanat. Bizden bul ómirde de, ahırette de suralady. Quran Kárimde: «Ózderińdi ózderiń apatqa ıtermelemeńder» deıdi. Juma namazdarda barynsha aıtyp jatyrmyz. Qudaı betin ári qylsyn, saqtansaq – saqtaıdy. Kóp adam shoǵyrlanatyn jerden aýlaq júrip, múmkindik bolsa toı, asty keıinge qaldyrsaq deımin. Al Toǵjanov myrza muny jáı ǵana keńes túrinde aıtty. Bul tapsyrma emes. Ekinshiden, bul keńesti ystyǵy kóterilip, aýrýdyń belgileri bar adamdarǵa aıtty» dedi.
Medıınalyq maskanyń jetispeýshiligi, baǵasynyń sharyqtap ketýi jaıynda da saýal qoıyldy. Alaıda, mamandar: «Bul jekemenshik óndirýshilerdiń qolymen jasalyp otyr. Olar qandaı baǵa qoıady, ózderi biledi. Biraq bizde maska qory jetkilikti» dep sendirdi.
Qysqasy, mamandar ár adam saqtyq sharasyn ózinen bastaýy kerek deıdi. «Halyq kóp jınalatyn jerlerge barýdy shektegen durys. Qalanyń mekemelerine mádenı-qoǵamdyq is-sharalardy azaıtqan jón dep keńes berer edim» degen úndeý joldady. Al koronavırýs jaıynda keńes alǵyńyz kelse, Nur-Sultan qalasyndaǵy 1406 Soll ortalyǵyna telefon shalýǵa bolady.
nege.kz
