Resei Federasiiasy, Altai Respublikasynan Almatyǧa arnaiy kelgen dästürlı oryndauşylardy Almaty qalasy Tılderdı damytu basqarmasy basşysy Mamai Ahet myrza qabyldap, basqarma ūjymymen kezdesu ūiymdastyrdy. Alystan at arytyp kelgen Yrystu Mecheşev pen Altyn-Ai Baratova esımdı önerpazdar, türıktanuşy Bılge Özel bauyrlas elderdıŋ ystyq yqylasy men sälemderın ala kelgendıgın jetkızdı.
Almaty qalasy Tılderdı damytu basqarmasy basşysy Mamai Ahet qazaq epostary boiynşa tüsırılgen multfilmderın körsetıp, qonaqtarǧa diskılerın tartu ettı. Altailyq tuystarymyz Altai epostarynyŋ öte köptıgın, bıraq, özderınıŋ halyq tuyndylaryn jas balalarǧa jetkızu üşın multfilm tüsıruge mümkındıkterı joqtyǧyn ökınışpen aityp, qazaqtardyŋ igı ısterıne öz süiınışterın jetkızdı. «Bız qazaqty Täuelsız el retınde arqa süiep, qūrmet tūtamyz. Bızde köp düniege erkındık joq. Bolaşaqta Altai halqynyŋ epostarynan da multfilm tüsırıp berseŋızder» degen ötınış aitty Altyn-Ai Baratova.
Almaty qalasy Tılderdı damytu basqarmasynyŋ basşysy qonaqtarǧa türık halyqtarynyŋ bırlıgı men dostyǧyn nyǧaitu, ortaq qūndylyqtaryn nasihattau ısındegı ereŋ eŋbekterı üşın alǧys hatpen marapattap, erekşe yqylas bıldırdı. Türıktanuşy Bılge Özel, talantty änşıler Yrystu Mecheşev pen Altyn-Ai Baratova Almaty qalasy äkımşılıgı tarapynan körsetılgen yqylas-ıltipatqa zor alǧystaryn jetkızdı.
Arman ÄUBÄKIR,
«Adyrna» ūlttyq-etnografiialyq bırlestıgı» qoǧamdyq qorynyŋ jetekşısı
