Toi jasaǧan türkıstandyq jazalandy

Tötenşe jaǧdai kezınde toi jasaǧan türkıstandyq jazalandy, - dep habarlaidy Tengrinews.kz tılşısı qalalyq polisiia departamentıne sılteme jasap. 17 nauryzda äleumettık jelıler men messendjerlerde üiınıŋ aulasynda belgısız tūlǧanyŋ adamdardyŋ basyn qosyp, toi jasap jatqan beinejazbasy taraldy. Būl derek boiynşa Türkıstan qalalyq polisiia basqarmasynyŋ qyzmetkerlerı şūǧyl ızdestıru şaralaryn qabyldady.  Poliseilerdıŋ aituynşa, oqiǧa 16 nauryzda tüngı uaqytta Türkıstan qalasyndaǧy möltek audandardyŋ bırınde bolǧan. "Qalalyq poliseiler tötenşe jaǧdai rejimın būzyp, jiyn ötkızgenı üşın toi iesıne qatysty QR Äkımşılık - qūqyq būzuşylyq turaly kodekstıŋ 476-baby boiynşa äkımşılık hattama toltyrdy", delıngen habarlamada. Osyǧan bailanysty vedomstvo ökılderı zaŋǧa baǧynu keregın eskertedı. Tötenşe jaǧdai kezınde jiyn, basqosulardy ūiymdastyrmai, mümkındıgınşe saqtyq şaralaryn jasap, densaulyqqa män beru qajet ekenın aitady.