20 naýryz kúni Atyraýǵa Birikken Arab Ámirlikterinen qazaqstandyq 126 jolaýshy keldi. Bul týraly Atyraý oblysynyń ákimdigi habarlady.
Keshe túngi saǵat 22.30-da №5044 "Shardja-Atyraý" reısimen kelgen jolaýshylar áýejaıdaǵy arnaıy sanıtarlyq pýnktte tekserildi. Jolaýshylardyń 106-sy - Atyraý oblysynyń turǵyndary, bireýi ǵana Reseı Federaııasy azamaty, al qalǵan jıyrmasy elimizdiń ózge óńirlerinen. Reseı Federaııasy azamaty bes jastaǵy bala. Kórshi elde dúnıege kelgeni bolmasa, ata-anasy Qazaqstan Respýblıkasynyń azamattary. Otandastarymyz koronavırýs qaýipi ólshemi boıynsha 2 kategorııaǵa jatatyn qaýipti emes elden keldi. Olar áýejaıdan túsken betti tolyq tekserýden ótkizildi. Oblystyq densaýlyq saqtaý basqarmasynyń basshysy Baıtolla Ǵazızovtyń aıtýynsha, barlyǵynyń jaǵdaıy jaqsy.
- BAÁ Shardja qalasynan Atyraý qalasyna bizdiń eldiń azamattary kelgen bolatyn. Olardyń barlyǵy arnaıy tekseristen ótti. Jaǵdaılary qanaǵattanarlyq. Barlyǵy baqylaýda, - deıdi basqarma basshysy.
Aıta keteıik, Atyraýda koronavırýsty juqtyrý faktisi tirkelgen joq. Medıınalyq uıymdarda qajetti dári-dármek bar. Turǵyndar barlyq suraq boıynsha 98-02-92 call ortalyǵyna nemese 8778 007 20 21 WhatsApp jelisine habarlasa alady.
Esterińizge sala keteıik, búgin Nur-Sultan qalasynda QR mádenıet jáne sport mınıstrligi týrızm ındýstrııasy komıteti tóraǵasynyń mindetin atqarýshy Dastan Ryspekovtiń qatysýymen onlaın brıfıng ótken bolatyn. D.Ryspekov 18-23 naýryz aralyǵynda qazaqstandyq týrısterdi elge qaıtarý úshin 19 charterlik reıs qarastyrylǵan aıtqan edi. Ol óz sózinde, charterlik reıster Qazaqstannyń birqatar qalalaryna (Atyraý da bar) ushatynan atap ótti. Aldaǵy ýaqytta Atyraýǵa eshqandaı charterlik reıs josparlanyp otyrǵan joq.
