Almaty qalasynyŋ mamandandyrylǧan audanaralyq äkımşılık sotynyŋ şeşımımen ūstalǧandarǧa aiyppūl salyndy
Almaty polisiiasy blok bekettı ainalyp ötuge uäde bergen jeke kölık jürgızuşılerın ūstady, dep habarlady Polisia.kz.
Poliseiler qalanyŋ batys jaǧynda ornalasqan № 20 blok beketınde bes er adamdy ūstady, olar azamattarǧa aqşasyn bergen jaǧdaida beketten ainalyp ötıp, qalaǧa alyp ketuge uäde bergen.
"Olar adam basyna 3 myŋnan 5 myŋ teŋgege deiın sūraǧan. Er adamdar ūstalyp, Qazaqstan Äkımşılık qūqyq būzuşylyq turaly kodeksınıŋ 476-baby "Tötenşe jaǧdaidy būzu" boiynşa qylmystyq jauapkerşılıkke tartyldy. Almaty qalasynyŋ mamandandyrylǧan audanaralyq äkımşılık sotynyŋ şeşımımen atalǧan adamdarǧa aiyppūl salyndy", – dedı Nauryzbai audandyq polisiia basqarmasynyŋ basşysy Didar Ahanov.Osyǧan bailanysty, Almaty polisiia departamentı taǧy bır ret azamattardy zaŋǧa baǧynuǧa jäne kedergılerden ötudıŋ zaŋsyz joldaryn ızdemeuge şaqyrdy. "Būl äreketter paidasyz jäne nätije bermeidı. Tötenşe jaǧdai kezınde oŋai aqşa tapqysy keletınderge jauapkerşılıktı ūmytpau qajettıgın eskertemın. Mūndai faktıler bırden toqtatylady", – dedı Ahanov. Densaulyq saqtau ministrlıgınıŋ mälımetınşe, Qazaqstanda koronavirus jūqtyrǧandar sany 57 adamǧa jettı. Nūr-Sūltanda – 31, Almatyda – 23, Qaraǧandyda - 2, Almaty oblysynda - 1 adam. Nūr-Sūltan men Almatyda karantin jariialandy. 22 nauryzdan bastap būl qalalarǧa kırıp-şyǧuǧa tyiym salyndy.
