Aqtöbeden koronovirus şyqty

Qazaqstannyŋ densaulyq saqtau ministrlıgı Aqtöbe oblysynda koronavirus jūqtyrǧan bır adam anyqtalǧanyn habarlady. Osylaişa elde virus jūqqandar sany 58-ge jettı dep habarlaidy "Adyrna". Qazırgı uaqytqa deiın Nūr-Sūltanda – 31 adam, Almatyda – 23 adam, Qaraǧandyda – 2, Almaty oblysynda – 1 adamnan koronovirus tabylǧan bolatyn. "Azattyqtyŋ" mälımetınşe älemde Covid-19 koronavirusy 300 myŋnan astam adamǧa jūqty. Qaza bolǧandar sany 13 myŋnan asyp kettı. Virus 180-nen astam elge tarady. 92 myŋnan astam adam dertten aiyqqan. Düniejüzılık densaulyq saqtau ūiymy Qytaidan taraǧan būl virusty "pandemiia" dep jariialaǧan. Koronavirus jaily qaŋtardyŋ basynda belgılı boldy. Ony alǧaş jūqtyrǧandar Qytaidyŋ Hubei provinsiiasynyŋ Uhan qalasynda tırkeldı. Virus tynys alu jolyn zaqymdap, pnevmoniiany örşıtedı. Būl derttıŋ köbıne egde adamdar men sozylmaly auruy bar adamdarǧa auyr saldary bar.