Äskeri jiynǧa şaqyruda jastarǧa basymdyq berıledı

Qorǧanys ministrı Nūrlan Ermekbaev äskerge şaqyru bölımderı arnaiy jiyndarǧa äskeri mındettı azamattardy şaqyruda jastarǧa basymdyq beretındıgın aitty. Būl turaly zakon.kz habarlady. "Arnaiy jiynǧa äskeri mındettı, densaulyǧy jaramdy barlyq azamat şaqyrylady. Bıraq jergılıktı äskeri bölımder medisinalyq tekserudı ūiymdastyrǧannan keiın äskeri jiynǧa öz erkımen barǧysy keletınderge basymdyq beredı. (...) Zaŋ boiynşa 60 jasqa deiıngı ofiserler, serjanttar jäne 50 jasqa deiıngı äskeri qyzmetkerler äskeri jauapkerşılıkke tartylady. Bıraq, men atap ötkendei, bızde äskeri mındettı azamattar köp, sondyqtan jas adamdar şaqyrylady, - dedı ol. Ministr şaqyrylǧan adamdar äskeri bölımşege belgılengen künı kelmegen jaǧdaida äkımşılık jauapkerşılıkke tartylatyndyǧyn atap öttı. "Äskeri jiynǧa şaqyrylǧandar basqa aimaqtarǧa jıberılmeidı, - deidı ol. Esterıŋızge sala ketsek, būǧan deiın QR Prezidentı Toqaev  "Qaruly Küşterınıŋ aumaqtyq äskerlerın jasaqtau üşın äskeri mındettıler arnauly jiyndarǧa şaqyrylsyn", - degen jarlyq şyǧarǧan edı.