Qazaqstanda 584 adamǧa virus jūqty

Qazaqstanda virus jūqtyrǧandar 580-nen asty dep habarlaidy "Adyrna" "Azattyq" radiosyna sılteme jasap. Qazaqstan densaulyq saqtau ministrlıgı 5 säuır saǧat 22.05-tegı deregıne sai, elde taǧy 15 adamnan koronavirus tabyldy: Almaty qalasynda –1 adam, Aqtöbe oblysynda – 1 adam, Atyrau oblysynda –​ 6, Qyzylorda oblysynda – 6 adam, Qaraǧandy oblysynda 1 adam. Ministrlık Nūr-Sūltanda alty adamnyŋ Covid-19 dertınen aiyqqanyn mälımdedı. Elde qazır 584 adamǧa koronavirus jūqtyrdy. 42 adam aurudan jazyldy. 6 adam qaitys boldy. Densaulyq saqtau ministrı Eljan Bırtanov säuırdıŋ alǧaşqy on künınde elde virus tarau şegıne jetıp, keiın azaia bastaidy dep boljaidy. Ministrdıŋ esebınşe, elde 3500 adamǧa virus jūǧuy mümkın. Qazaqstanda 15 säuırge deiın tötenşe jaǧdai. Eldıŋ basym bölıgınde şekteu qoiylǧan. 6 säuırden bastap Aqtöbe qalasy karantinge jabylady.