Şymkent qalalyq perinataldyq ortalyqtyŋ därıgerlerı merzımınen būryn tuǧan üşemdı aman alyp qaldy. Ökpesı dūrys damymai tuǧan närestelerdıŋ üşeuı bırdei düniege kele sala jasandy tynys alu apparatyna qosylǧan. Būl turaly Şymkent qalalyq densaulyq saqtau basqarmasynyŋ baspasöz qyzmetı habarlady.
Jansaqtau bölımınde jatqan üşemnıŋ betı berı qarap, bır aiǧa juyq arnaiy kütım jasaityn bölımşede därıgerlerdıŋ baqylauynda boldy.
Biylǧy jyldyŋ üşınşı üşemı 16 nauryz künı Şymkent qalalyq perinataldyq ortalyqta düniege kelgen edı. Osy künı şaqalaqtardyŋ anasy, 34 jastaǧy Arailym Sembievaǧa şūǧyl türde ota jasalǧan.
Ai-künı tolmai tuǧan säbilerdıŋ salmaǧy nebärı 1,5 kelıdei ǧana bolǧan (1350 gramm, 1790 gramm jäne 1910 gramm). Merzımınen būryn düniege kelgen şaqalaqtardyŋ jaǧdaiy alǧaşqyda auyr edı deidı därıgerler. Mamandar ökpesı dūrys damymai tuǧan närestelerdı jasandy tynys alu apparatyna qosyp, kütım jasady. Bes kün boiy jansaqtau bölımınde jatqan üşemnıŋ betı berı qarap, ekı aptaǧa juyq Miradil Mirkurbanov jetekşılık etetın arnaiy kütım jasaityn bölımşede därıgerlerdıŋ baqylauynda boldy.
Qalalyq perinataldyq ortalyqta kütılgen näresteler osy uaqyt ışınde salmaq qosyp, jaǧdailary jaqsardy. Aq halattylardyŋ bılıktılıgı men kütımınıŋ, tynymsyz eŋbegınıŋ nätijesınde şala tuǧan şaqalaqtar aman qalyp, anasy balalaryn bauyryna basty. Törtınşı ret ana atanǧan 34 jastaǧy Arailym Sembievanyŋ jaqyndary säbilerge Medina, Alina jäne Iаsina degen esım berıp otyr.
«Qazır olardyŋ ömırıne eş qauıp joq», deidı mamandar. Būiyrtsa, üşemder men anasy 7 säuır künı perzenthanadan şyǧarylmaq.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz