Búgin Gennadıı Golovkın 38 jasqa toldy

984

Búgin tanymal qazaqstandyq boksshy Gennadıı Golovkın 38 jasqa toldy. Golovkın 1982 jyly 8 sáýirde Qaraǵandyda dúnıege kelgen.

Áýesqoılar arasynda álem chempıony, 2004 jylǵy Olımpıada oıyndarynyń kúmis júldegeri, kásipqoı boksta IBF jáne IBO tujyrymdary boıynsha álem chempıony.

The Ring jýrnalynyń nusqasy boıynsha salmaq dárejesine qaramastan úzdik boksshy (2017 jyldyń 27 qyrkúıegi - 2018 jyldyń 15 qyrkúıegi). WBA, WBC jáne tanymal Boxingnews24.com basylymynyń nusqasy boıynsha 2017 jyldyń úzdik boksshysy.

Gennadıı Golovkın jekpe-jeginiń kóbin merziminen buryn aıaqtaǵan. Ol orta salmaqta tıtýldaryn 20 ret sátti qorǵap, Bernard Hopkınstiń rekordyn qaıtalady.

Bıyl qyrkúıekte Gennadıı Golovkın meksıkalyq Saýl Alvarespen úshinshi jekpe-jek ótkizýi múmkin. BAQ-ta habarlanǵandaı, taraptar trılogııanyń qarjylyq sharttaryn aýyzsha kelisken. Insaıderlerdiń málimeti boıynsha, kezdesý 12 qyrkúıekke josparlanǵan.

 

 

Pikirler