© Photo : press-slujba senata parlamenta Respubliki Kazahstan
Senat spikerı Dariǧa Nazarbaeva "Sifrly Qazaqstan" memlekettık baǧdarlamasy dereu qaita qaraluy kerek dep sanaidy. Būl turaly ol senat otyrysynda mälımdedı, dep habarlaidy Sputnik Qazaqstan .
Ol qazırgı jaǧdai memlekettık aqparattyq resurstar men elektrondy qyzmetterdıŋ jūmysynda bırqatar problema baryn körsetıp otyrǧanyn atap öttı.
"Osy daǧdarys kezınde betı aşylǧan problemalardy eskere otyryp, "Sifrly Qazaqstan" memlekettık baǧdarlamasyn dereu qaita qarau kerek", - dedı Nazarbaeva senat otyrysynda.
Deputattar biurokratiia Qazaqstannyŋ basqaru jüiesı men ekonomikany sifrlandyruda jedel jūmys jürgızuge müddelı emes ekenın, statistikany bır retke keltıru turaly bırneşe märte aitqan bolatyn.
"Bız endı körıp otyrǧanymyzdai, būdan ärı kütuge bolmaidy. Qimyl-äreket jasauymyz qajet", - dedı spiker.
Senat töraǧasy älemdık ekonomikadaǧy ahualdyŋ özgeruı memlekettık saiasattyŋ jaŋa basymdyqtaryn qalyptastyryp otyrǧanyn aitty.
Nazarbaeva memlekettık saiasatta qauıpsızdıkke basa nazar audaru qajettıgıne toqtaldy. Atap aitqanda, jeke adamnyŋ, qoǧamnyŋ, memlekettıŋ qauıpsızdıgı. Azyq-tülık, energetikalyq, aqparattyq-kommunikasiialyq qauıpsızdık jäne adam ömırı men densaulyǧynyŋ qauıpsızdıgı.
"Osynyŋ bärı – qūrmettı ärıptester, jaqyn aradaǧy jūmysymyzdyŋ basty kün tärtıbı boluy tiıs", - dedı ol.
"Bügıngı taŋda bükıl älem jaŋa tarihtaǧy eŋ almaǧaiyp kezeŋderdıŋ bırın bastan ötkerude. Ekonomikalyq daǧdarys auqymynyŋ jäne onymen tıkelei bailanysty äleumettık özgerısterdıŋ tüpkı şegı älı de būlyŋǧyr. Qazırgı kezde türlı boljamdar jasaluda. Bız, ärine, jaqsylyqqa senemız, bıraq qalyptasyp otyrǧan ahual batyl ärı naqty ıs-qimyldardy talap etedı", - dep jalǧastyrdy spiker.
Ol prezidenttıŋ halyqty, şaǧyn jäne orta biznestı qoldauǧa baǧyttalǧan tapsyrmalary tek tötenşe jaǧdaida ǧana emes, eldıŋ jalpy daǧdarysty eŋseru kezeŋın de qamtitynyn jetkızdı.
"Endıgı basty maqsat – osyndai maŋyzdy şaralardyŋ jergılıktı jerlerde tiımdı ärı naqty oryndaluyn qamtamasyz etu", - dedı Nazarbaeva.
Senat töraǧasy jergılıktı organdardy biurokratiialyq formalizmge, jönsızdıkke jol bermeuge şaqyrdy.
