Memleket basshysy Qasym-Jomart Toqaev Tótenshe jaǵdaı rejımin qamtamasyz etý jónindegi memlekettik komıssııanyń otyrysynda jaǵdaı turaqty ekenin aıtty. Prezıdenttiń sózinshe, shuǵyl sharalardyń arqsynda koronavırýs elde keń taralmaǵan.
"Búginde biz ýaqytynda júzege asqan shuǵyl sharalardyń arqasynda indettiń keń taralýyna jol bermedik. Muny halyqaralyq qoǵamdastyq oń baǵalap otyr. Turǵyndarǵa jáne bızneske qoldaý kórsetý maqsatynda daǵdarysqa qarsy naqty sharalar qabyldadyq. Azamattarymyzǵa kómektesý úshin buryn-sońdy bolmaǵan kólemde qyrýar qarjy bólindi. Kóptegen memleket halqyna osyndaı qoldaý kórsete alǵan joq. Tótenshe jaǵdaı kezindegi eń mańyzdy mindetterdiń biri - azyq-túlik qaýipsizdigin qamtamasyz etý. Sondyqtan áleýmettik mańyzy bar azyq-túliktiń shekti baǵasy belgilendi", - dedi memleket basshysy.
"Tutastaı alǵanda, jaǵdaı baqylaýda. Elorda men Almatydaǵy qazirgi jaǵdaı turaqty. Biraq, Qaraǵandy, Aqmola, Qyzylorda, Túrkistan, Jambyl oblystarynda aýrýǵa shaldyqqandardyń sany artyp ketti. Bul atqarylǵan jumystardyń jetkiliksizdigin bildiredi. Sondyqtan da qosymsha sharalar qabyldaý qajet," - dedi Toqaev.
"Adyrna" ulttyq portaly
