Almatydaǧy Ortalyq qalalyq auruhananyŋ 110 qyzmetkerınen koronavirus anyqtaldy. Būl turaly qalalyq qoǧamdyq densaulyq saqtau basqarmasynyŋ basşysy Tıleuhan Äbıldaev habarlady.
Onyŋ aituynşa, soŋǧy täulıkte Almatyda 174 adam koronavirus jūqtyrǧan.
"Jaŋadan anyqtalǧan 174 adamnyŋ 58-ı nauqaspen bailanysta bolǧan azamattar. Sonymen qatar ışınde balalar qalalyq klinikalyq jūqpaly aurular auruhanasynyŋ 1 qyzmetkerı, ortalyq qalalyq klinikalyq auruhananyŋ 110 medisina qyzmetkerı, medisinalyq jedel järdem qyzmetınıŋ 2 qyzmetkerı, №32 qalalyq emhananyŋ 1 qyzmetkerı, №11 qalalyq emhananyŋ 1 qyzmetkerı, №1 qalalyq klinikalyq auruhananyŋ 1 qyzmetkerı bar", - dedı Äbıldaev.
Aita keteiık, bügınde Almatyda 346 adamnan koronavirus anyqtaldy. Olardyŋ altauy - balalar, üşeuı - jüktı äielder.
Qazaqstan boiynşa nauqastardyŋ sany 1 179 adamǧa jettı. 138 adam jazylyp şyqty, 14 adam qaitys boldy.
"Adyrna" ūlttyq portaly
