Qordaidaǧy qaqtyǧysqa qatysy bar delıngen 24 adam Almatyda qamauǧa alyndy, - dep habarlaidy Tengrinews.kz .
"Barlyq 24 adam būltartpau şarasy retınde ekı aiǧa qamauǧa alyndy - mamyr aiynyŋ soŋyna deiın. Olar QR Qylmystyq kodeksınıŋ 272-babynyŋ 2-bölıgı boiynşa ("Küş qoldanumen, qiratumen, örteumen, būzumen, mülikti joiumen, atys qaruyn, jarylǧyş zattardy nemese jarylys qūrylǧylaryn qoldanumen, sondai-aq bilık ökiline qaruly qarsylyq körsetumen ūlasqan, onyŋ ışınde şeteldık közderden alynǧan qarajatty paidalana otyryp jappai tärtipsizdikti ūiymdastyru") küdıkke ılındı", - dedı Almaty qalalyq sotyndaǧylar.
Eske salaiyq, biyl 7 aqpanda Jambyl oblysy Qordai audany Masanchi auylynda tūrǧyndar arasynda jappai töbeles bolǧan edı. Jappai töbeleske 300-ge juyq adam qatysqan. Auqatty auyly jäne Būlan Batyr auyldarynda janjal şyqty. Būzaqylar metall zattaryn, atys qaruyn qoldanǧan bolatyn.
