Qadau-qadau zamandardan berı janarynan jalyny öşpegen arda qazaq degen elmız! El basyna kün tuǧanda kök börıdei kemelımızdı qas dūşpany aiaqqa moiyndaǧan elmız! Qazaǧym degen qairatty jürek barda , ūlt bolmysy öşıp pe? Tarihtyŋ myŋdaǧan iırımı şaiyp ötse de boiynda qainap tūrǧan qazaq qany barda adal perzent elı üşın arpalysyp öttı. Sol maŋdaidan şyqqan är tamşy ter men eldıktıŋ berıktıgı üşın etken eŋbektıŋ artyndaǧy aŋsar ne?Ūlt retınde tartysqa toly älemde naǧyz qazaqtyŋ kım ekenın körsetu, ūlttyq qūndylyqtardy joiyp almai, keleşekke jetkızu jolyndaǧy arman...
Qazırde babalar aŋsaǧan asqaq mūrat oryndalyp, aspany aşyq beibıt künnıŋ quanyşyn körudemız. Tūŋǧyş prezident N. Nazarbaev bır sözınde bylai deidı: «Qazaqstannyŋ bügını men bolaşaǧy – halqymyzdyŋ yntymaq-bırlıgınde, yrys-qūtty tırlıgınde». Tarih teketıresınde qūtty bırlık bolmaǧanda, bügınnıŋ ülken syiy berılmes edı ärine. Jaqsylyqtyŋ jarşysy bolǧandai täuelsızdık jarylqai kelgennen berı memlekettıŋ qadamy nyq, jospary myǧym boluy alǧa etken maqsūttardan anyqtalyp kele jatyr. Ūlttyq bolmysty saqtau – halqymyzdyŋ eŋ ülken qazynasy. Al būl baǧytty josparly türde jürgızu üşın Ruhani jaŋǧyru jobasy jasalynǧan edı. Könenıŋ közındei bolǧan syrǧa toly saltymyz, babalar ösietın madaqtaityn baǧa jetpes tılımız, özgege bergısız teŋdessız mädenietımızdı sol qalpynda keleşekke tabystau – Ruhani jaŋǧyrudyŋ eŋ basty maqsaty. Bolaşaqta ūlttyŋ tabysty boluy onyŋ tabiǧi bailyǧymen emes, adamdarynyŋ bäsekelık qabıletımen aiqyndalady… Sondyqtan, ärbır qazaqstandyq, sol arqyly tūtas ūlt HHI ǧasyrǧa laiyqty qasietterge ie boluy kerek. Älem memleketterı köz tıgıp otyrǧan baitaq dalany közdıŋ qaraşyǧyndai saqtai otyryp, damyǧan eldıŋ aibyndy keskının körsetu – är qazaqqa artylǧan mındet!
Joba ruhy biık halqymyzdyŋ ata jolyn jaŋǧyrtuǧa türtkı bola alsa, mıne, osy – baqyt! Jaŋa jaǧdaida jaŋǧyruǧa degen ışkı ūmtylys - bızdıŋ damuymyzdyŋ eŋ basty qaǧidasy. Otanymdy süigen jürekten qazır ǧana jyrlar tögılıp jatyr...
Jusanyŋdy iıskep tūryp bır uys...
Quat alǧan qūdırettıŋ özınen,
Men qazaqty qaharman dep sezınem.
Ot pen sudan taiynbaǧan halyqpyz,
Sonau ūly qaǧandardyŋ kezınen.
Altai, Arqa, Alatauda köşkenbız,
Şyǧarmaimyz sol künderdı esten bız.
Tūlparlardyŋ tūiaǧynyŋ dübırın,
Kökırekke tüiıp bızder öskenbız.
Eldıgıme bolmasyn tek talasyŋ,
Bılmegender tarihyma qarasyn.
Babalarym bızder üşın saqtaǧan
Altai menen Aq Jaiyqtyŋ arasyn.
Arym menen namysymdy taptaǧan,
Öttı-au zaman, nebır zūlmat Aqtaban.
Qiyn kezdıŋ taba bılgen qisynyn
Babalardyŋ erlıgıne maqtanam.
Taŋǧajaiyp halyq edık netken bız,
Şetımızden erjürek bop ketkenbız.
Täuelsızdık tūǧyryna bız solai
Toqsan bırde tübegeilı jetkenbız.
Basqalarmen teŋgerılıp terezem,
Keŋge tartty qasiettı keregem.
Bıle bılsek, mūnyŋ bärı bügıngı
Elbasynyŋ saiasaty köregen.
Halyq boldyq bükıl älem tanyǧan,
Aiyrylmasyn qazaǧym tek baǧynan.
Qūtty bolsyn! Qazaqstan qosyldy,
Elu eldıŋ qataryna damyǧan.
Aldymyzda baǧyndyrar beles köp,
Sol beleste erler elmen keŋespek.
Küşeigesın äleuetı halqymnyŋ
Eŋ damyǧan otyz elmen teŋespek.
Elbasymyz şeştı talai sūraqty,
Oryndady maqsat-müdde, mūratty.
Nazarynda ūstap otyr tüsırmei
Bılım beru mäselesın tūraqty.
Barşa halyq bır auyzdan qoldaǧan,
Bastama köp Elbasymyz joldaǧan.
Sonyŋ bırı – Ruhani jaŋǧyru
El taǧdyryn, jer taǧdyryn tolǧaǧan.
Tuǧan elım, Qazaqstan, kielım,
Senı şeksız jan tänımmen süiemın.
Jusanyŋdy iıskep tūryp bır uys
Qadır tūtyp basymdy men iemın!
Ūldai Dauylova, Äl Farabi atyndaǧy QazŪU Filologiia jäne älem tılderı fakultetınıŋ studentı Ǧylymi joba jetekşısı: F. Qozybaqova, Äl Farabi atyndaǧy Qazaq Ūlttyq universitetı tarih jäne arheologiia, etnologiia fakultetınıŋ Qazaqstan tarihy kafedrasynyŋ professory
