Tarıhty tanytatyn jádigerler

3587
Adyrna.kz Telegram

Taraz...Asan qaıǵy babamyz "taıaq tastasań tal bolyp ósetin jer" dep sıpattaǵan qasıetti meken. Tarıhtyń talaı kóshi júrip ótken kóne shahar.  Taraz qalasyn aýyzǵa alǵanda,mundaǵy kóneniń kózindeı bolǵan kórnekti eskertkishterge toqtalmaý múmkin emes. Endeshe, qaladaǵy "kesheginiń kýási" bolǵan eskertkish ataýlynyń búgingi mańyzy qandaı ekenin saralaıyq.

Eskertkish sóziniń ózi "áldeneni eskerter, eske túsirer nárse" degen uǵymdy bildirse kerek-ti.Tarazdaǵy Qarahan, Tekturmas, Aısha bıbi, Babadja qatyn jáne t.b eskertkishter bizge neni eske túsirýde?Tarıhty ma álde eski nanym-senimdi me?

Eskertkishterdiń qaıta qalpyna keltirilip, qorǵalýynyń negizgi sebebi keler urpaqty tarıhı tulǵalar ómirinen, tarıhı oqıǵalardan, ejelgi mádenıet úlgilerinen habardar etý ekeni anyq. Alaıda, óz basym joǵaryda atalǵan kesenelerge ótkenin taný maqsatymen barǵan adamdardy kórgenim joq. Kórgenim mynaý:jas-jubaılardyń úılený toı kúni kesenelerge kirip, baqytqa kenelýlerin tileýi.Ejelgi ata-babalarymyzda "ata-baba arýaǵyna sıyný" degen nanymnyń bolǵanyn tarıh dáleldeıdi.Alaıda,Elbasymyz "Bolashaqqa baǵdar:rýhanı jańǵyrý" maqalasynda aıtqandaı, "kejegesi keri tartatyn ádetterdi ulttyq sana aıasynda súrlep qoıýǵa bolmaıdy."

Qazaqtyń birqudaılyqqa kóship, jaratýshyǵa jalbaryna bastaǵanyna qaı zaman. Endeshe, rýhanı artta qalýshylyqqa jol bermeı, tarıhı eskertkishterge táý etýden bas tartatyn ýaqyt kelip jetti. Tarıhı eskertkishter tarıhty tanytatyn jádigerler retinde baǵalanýy tıis.

Gaýhar Áýeshan

Ál Farabı atyndaǵy QazUÝ Fılologııa jáne álem  tilderi fakýltetiniń stýdenti

Ǵylymı joba jetekshisi: F. Qozybaqova,

Ál Farabı atyndaǵy Qazaq Ulttyq ýnıversıteti tarıh jáne arheologııa, etnologııa fakýltetiniń

Qazaqstan tarıhy kafedrasynyń professory

Pikirler