2020 jyldyŋ 14 säuır künı “Kökşetau-Qostanai” ainalma avtojolynda, Aqmola oblysy boiynşa kölıktık baqylau inspeksiiasynyŋ mamandary jyljymaly kölıktık baqylau beketınde kezekşılık atqarǧan kezde Resei Federasiiasynda tırkelgen
m/n E006TB72 (m/n 57KEA03 tırkemesı), jük – astyq tasymaldaityn "Kamaz 53205" markaly şeteldık avtokölık qūralyn toqtatty.
Jükterdı kabotajdyq tasymaldaudy jüzege asyru QR zaŋnamasymen tyiym salynǧan.
Būl rette, qūjattardy tekseru barysynda jürgızuşı tasymaldanatyn jükke qūjattardy ūsynbastan, avtokölık qūralyn ölşeudı jürgızuden bas tarta otyryp, avtokölık qūralyn memlekettık tırkeu turaly kuälıktı ǧana ūsynǧan. Jürgızuşı avtokölık qūralyn toqtaǧan jerıne qaltyryp, belgısız baǧytqa jürıp ketken.
Osydan keiın, mamandar ūstalǧan avtokölık qūralyn küzetuge kırıstı.
Kezekşılık barysynda mamandarǧa kölıktık baqylau jürgızbei, iaǧni jūmystaryna kedergı keltırıp, toqtatylǧan avtokölık qūralyn sebepsız jıberudı talap etıp belgısız tūlǧalar kelgen.
Öz kezegınde, qauıp-qaterge qaramastan, beket qyzmetkerlerı özderınıŋ lauazymdyq mındetterın oryndap, normativtık-qūqyqtyq aktılerdı basşylyqqa ala otyryp, jüktıŋ şyǧu zaŋdylyǧyn rastaityn qūjattardy ūsynudy talap ettı.
2020 jyldyŋ 15 säuırınde saǧat 14:15-te Beket mamandaryna memlekettık tırkeu nömırsız üş jeŋıl avtokölıkpen (Lexus 470 qara tüstı, Toyota Land Cruiser 200 şie tüstı jäne Lada Largus aq tüstı) kelgen 5-6 adamnan tūratyn belgısız tūlǧalar şabuyl jasady.
Osy oraida, belgısız tūlǧalar qyzmetkerlerdıŋ ömırı men densaulyǧyna qauıp töndırıp, ūstalǧan avtokölık qūralyna jyljymaly beket ışındegı qūjattardy alyp, avtokölık şinalaryn tesıp, ūstalǧan avtokölık qūralyn jürgızıp äketken.
Kölıktık baqylau beketınıŋ qyzmetkerlerı bolǧan oqiǧa turaly dereu "102" kezekşı Polisiia nömırıne habarlaǧan.
Qazırgı uaqytta, Jedel-ızdestıru ıs-şaralary barysynda jük kölıgı tabyldy, şabuyl jasaǧan adamdardy ızdeu jäne kriminalistikalyq jūmystardy Aqmola oblysy polisiia departamentınıŋ qyzmetkerlerı jürgızude.
Aita ketsek, tötenşe jaǧdai kezınde aǧymdaǧy jyldyŋ 22 nauryzynan bastap QR Auyl şaruaşylyǧy ministrlıgı bidai eksportyna tyiym salǧanyn eskeru qajet.
Anyqtama: QR "Äkımşılık qūqyq būzuşylyq turaly" Kodeksınıŋ 575-babyna säikes, Qazaqstan Respublikasynyŋ aumaǧynda ornalasqan punktter arasynda şet memlekettıŋ aumaǧynda tırkelgen avtokölık qūraldarymen jükterdı tasymaldau 100 AEK mölşerınde jäne Kodekstıŋ 571-1-babynyŋ 1-tarmaǧyna säikes tasymaldauşynyŋ tauar-kölık jükqūjatyn (ölşeu nemese ölşeu aktısın, CMR) ūsynbauy üşın 20-dan 60 AEK-ke deiın aiyppūl saluǧa äkep soǧady.
QR İİDM Kölık komitetınıŋ baspasöz qyzmetı
