ŪQK şekara akademiiasynyŋ 54 kursanty koronavirus jūqtyrdy

ŪQK şekara akademiiasynyŋ 54 kursanty COVID-19 jūqtyrdy, - dep habarlaidy "Adyrna". Būl turaly qoǧamdyq densaulyq saqtau basqarmasynyŋ basşysy Tıleuhan Äbıldaev mälımdedı. Almatydaǧy tötenşe jaǧdaidy qamtamasyz etuge, köşe tärtıbın saqtauǧa atalǧan akademiianyŋ kursanttary tartylǧan bolatyn. «Basynda bız akademiianyŋ 14 kursantynda koronavirustyq infeksiiany anyqtadyq. Tekseruden keiın jūqtyrǧandar sany 54-ke jettı. Olardyŋ barlyǧy jūqpaly aurular auruhanasynda jatyr. Olardyŋ jaǧdaiy qanaǧattanarlyq, barlyq qajettı emder aluda», - dedı ol. Şekara akademiiasynyŋ 150 kursanty patruldık qyzmetke tartylyp, Almatyda tüsındıru jūmystaryn jürgızdı. Ūlttyq qauıpsızdık komitetınıŋ şekara akademiiasynda karantindık izoliator ornalastyrylǧan. ŪQK Şekara akademiiasy basşysynyŋ orynbasary Aidos Äliev būǧan deiın barlyq kursanttar qolǧap pen virusqa qarsy maskalarmen qamtamasyz etılgenın aitty. «Būl bärı jas jäne denı sau balalar. Aurudyŋ belgılerı körınbeidı. Barlyǧy sau, belsendı, ädettegıdei qyzmet etedı. Būl bızdıŋ äskeri qyzmetkerler retındegı mındetımız ekenın atap ötemız. Bız mındet qoidyq, ony oryndaimyz. Sondyqtan qazaqstandyqtarǧa ündeu joldaǧym keledı. Mümkındıgınşe barlyǧynyŋ üide boluyn qalaimyn, äsırese qarttar men balalardyŋ. Būl uaqytşa qūbylys,  bız epidemiiany tek bırge ǧana toqtatamyz », - dedı ol.