Óz ómirińdi súre bil...

5727
Adyrna.kz Telegram

Ómirime eń qajetti keńesti jasy menen áldeqaıda úlken sýretshi áıelden aldym.  Ol kezde meniń jasym jıyrmadan asqan etin, men oǵan shyǵarmashylyqpen aınalysýǵa úlgermeıtinimdi aıtyp shaǵymdandym: úsh jumysym bar, ómirim óte kúrdeli, birge turatyn kórshilerim de kóp, jumysym bastan asady, eshteńege alańdamaı, tynysh otyryp shyǵarmashylyqpen aınalysqym-aq keledi, biraq eshqashan ýaqyt jetpeıdi...

Ol meni únsiz tyńdap bolyp, suraq qoıdy:

–  Óziń armandaǵan-mys ómirdi súrý úshin, sen neden bas tartýǵa daıynsyń?

Mundaǵy nazarym túskeni «mys» degeni boldy.

Ishki jan dúnıem órtenip sala berdi. Jerge kirerdeı boldym. «Armandaǵan-mys» degeni qalaı? Jazý óneri – meniń ómirimniń máni ekendigin barlyǵy biledi ǵoı.

«Eger búkil ómiriń múldem basqa jumys pen maqsatqa tıesili bolsa, jazý óneri –  meniń ómirimdegi eń mańyzdy dúnıe» degen keıipti tanytýdyń qajeti qansha?, - dedi ol.

Tereń tynys alyp ún qata bergenim sol edi, ol birden:

–   Seniń úsh jumysyń bar delik. Al súıikti serıalyń qandaı?

–   Klan Soppano.

–  Búginnen bastap teledıdar qaraýdan bas tartasyń. Klan Sopranonyń ómirin qadaǵalaýǵa ýaqytyń bar, al óz ómirińdi súrýge ýaqyt joq pa?

– Únsiz qaldym.

– Dostaryńmen qandaı kafege barasyń? Onyń da atyn umyt. Súıikti jýrnalyń qandaı? Boldy, sen endi ony da oqymaısyń.

Maǵan onyń aıtqan keńesi unaıdy. Onyń aıtqandarynda «Sen ózińniń qalaǵanyńnyń barlyǵyn da ala alasyń» degen aldanysh sózder joq. Ala almaısyń. Kún saıyn seniń jasap jatqanyń – seniń ómirińdi quraıdy. Eger seniń armanyńnyń kúndelikti tirshiligińde orny bolmasa, onda armanyńnan da mańyzdy nárse bar bolǵany.

Ózińdi túsinýdiń jalǵyz joly – ózińdi aldaýdy doǵarý.

Bir táýlikte jıyrma tórt saǵat bar. Al osy ýaqytta men úshin mańyzdy ne, mańyzdy emes she?

Tek osy suraqqa shynaıy jaýap berý arqyly ǵana ýaqytyń men kúshińdi jınaqtaı alasyń. Ózińmen-óziń bolý úshin...

 

Mátin Vkontakte paraqshasyndaǵy toptan alyndy,

Avtory belgisiz

Orys tilinen aýdarǵan: Jansaıa Sman

"Adyrna" ulttyq portaly

Pikirler