Futboldan Martinika qūramasynyŋ havbegı Matias Kuror şeteldık BAQ-tyŋ bırıne bergen sūhbatynda karerasy jaily baiandap, qyzylordalyq "Qaisarda" oinaǧan kezın eske aldy, dep jazady vesti.kz.
"Būryn Fransiia men İspaniiada boldym, bıraq, bolgariialyq "Cherne more" men oinaǧan bırınşı elitaly komandam edı. Bolgariialyqtar öte myqty ekenın köpşılık bıle bermeidı. Menı qūrmetteidı. Alaŋda da ısım oŋǧa basty, Bolgariia Kubogyn ūtatyn mümkındıgım bolǧan. Būl men üşın mülde jaŋa dünie edı", - dep keltıredı oiynşynyŋ sözın karaibes-sports.com portalyna sılteme jasaǧan Football24.bg.
Futbolşy Gruziia men Qazaqstan jaily da aita kettı. Jartylai qorǧauşy qyzylordalyq klubtyŋ eŋ myqty oiynşylarynyŋ bırı bolatyn.
"Dinamo" (Gruziia) sapynda üş ai ǧana oinadym. Al Qazaqstanda bai memlekettı, bıraq, kedei adamdardy kördım. "Qaisardyŋ" bazasy öte naşar bola tūra, maǧan ülken eŋbekaqy tölegenderı qyzyq. Bapkerlerdıŋ de barlyǧy şeteldık", - deidı ol.
32 jastaǧy Kuror karerasyn 2007 jyly "Bovada" bastap, "Nant", "Genon" siiaqty özge fransiialyq klubtar men ispaniialyq "Oriuela","Atletiko Baleares", "Urakan Valensiia", martiniktık "Golden Lion", bolgariialyq "Lokomotiv" (Gorna-Oriahovisa) komandalarynda oinady. Martinika qūramasy üşın jetı oiynda ekı gol saldy.
Al "Qaisarda" 2017 jäne 2018 jylǧy mausymdarda öner körsettı. QPL-de oinaǧan 59 matchte,13 gol salyp, üş assit jasady jäne toǧyz eskertu aldy. Qyzylordalyqtar onymen kelısımşartty ūzartyqysy keldı, alaida, futbolşy oryn auystyrǧysy keldı.
Ūqsas jaŋalyqtar
