Polisiiaǧa şabuyl jasaǧan

Türkıstan oblysynda poliseilerge şabuyl jasaǧan mas jürgızuşı ūstaldy, – dep habarlaidy Polisia.kz. Prezident Qasym-Jomart Toqaevtyŋ Jarlyǧymen koronavirustyŋ taraluynyŋ aldyn aluǧa bailanysty elde tötenşe jaǧdai rejimı engızıldı. TJ kezındegı qūqyq būzuşylyqtardyŋ aldyn alu jäne jolyn kesu maqsatynda Jetısai audandyq polisiia bölımşesınıŋ  JPQ qyzmetkerlerı reidtık ıs-şaralar jürgızdı.  Osyndai reid barysynda  tärtıp saqşylary  qala köşelerınıŋ qiylysynda  sebepsız jürgen  “Mercedes ” avtokölıgın toqtatady. Qūjattardy talap etu kezınde mas jürgızuşı tärtıpke  baǧynbai,  aldynda tūrǧan ekı poliseidı soǧyp,  tärtıp būzuşyny toqtatuǧa äreket jasap, kölıktıŋ esıgınıŋ janynda tūrǧan üşınşı poliseidı  avtokölıgımen süirei ötıp, oqiǧa ornynan ızın suytqan. Üş polisiia qyzmetkerı jaraqat alyp, olarǧa medisinalyq kömek körsetıldı. Oryn alǧan oqiǧa turaly Jetısai APB kezekşı bölımıne kelıp, habarlama berıldı.  Jasyrynǧan jürgızuşınıŋ jeke basyn anyqtauǧa, ūstauǧa polisiia bölımınıŋ barlyq jeke qūramy  baǧyttaldy. Jedel-ızdestıru ıs-şarasy barysynda Jetısai audandyq polisiia bölımşesınıŋ qyzmetkerlerı ızın suytpai, jarty saǧat ışınde Jetısai qalasynyŋ tūrǧynyn qūryqtady. Medisinalyq kuälandyruǧa säikes tärtıp būzuşy “ortaşa därejede” mas halde bolǧan. Jäne esırtkı qoldanǧany anyqtaldy. Atalǧan jait QR Qylmystyq kodeksınıŋ 379-baby  (bilık ökılıne baǧynbau) jäne 380-baby (bilık ökılıne qatysty küş qoldanu) boiynşa tırkeldı.  Küdıktı qamauǧa alyndy. Tärtıp būzuşynyŋ avtokölıgı aiyptūraǧyna qoiyldy. Qazırgı uaqytta atalǧan jait boiynşa sotqa deiıngı tergeu amaldary  jürgızılıp jatyr.