Dostar, maǧan qatysty bolyp jatqan dünielerge şübä kelıtırıp jatqandar da bar ekenın baiqap otyrmyn. Iаki būl bırınşı ret bolyp jatqan närse emes, qūtylyp şyǧady degen jäne özge de közqarastar. Jauap bereiın.
Bırınşıden, men qūtylyp şyǧudy qalamaimyn da, qūtylyp şyqpaimyn da. Men köbısı oilap otyrǧandai, kelısımge keluge nemese qūtylyp ketuge jügırıp qūlşynyp otyrǧanym joq, men tek qana organdardyŋ maǧan qatysty äreketterınıŋ bärınen jūrtşylyqty habardar etıp otyrmyn. Adam kelısımge kelıp, kez kelgen ıstıŋ ızın suytqysy kelse, kerısınşe, tynyş otyrady. Osyny aitpai-aq tüsınbeisız be? Kez kelgen jemqorlyq tynyştyqty jaqsy köredı, al men oǧan qarsymyn, sondyqtan, men jariialylyq pen aşyqtyqty ūstanamyn.
Ekınşıden, men joramal qauıp turaly emes, qūqyq qorǧau organdarynyŋ ıs jüzındegı aiqyn, tapsyryspen jasap otyrǧan äreketterı turaly jazyp otyrmyn. Men qarapaiym tergeu men tapsyryspen bolatyn bopsalaudyŋ arajıgın jaqsy tüsınemın jäne bılemın.
Üşınşıden, menı negızsız qorǧaudy sūrap otyrǧanym joq. Men tek qana tergeu şekten şyqpasa deimın, tergeu barynşa aşyq bolǧanyn, sot (eger soǧan deiın barsa) aşyq jäne jariialy türde bolǧanyn qalaimyn.
Törtınşıden, men jūrtşylyqqa jügınıp otyrǧan sebebım – men eşqandai da zaŋǧa qaişy äreketter jasamadym, aqiqat pen moral menıŋ jaǧymda. Men nege ündemei otyruym kerek?
Besınşıden, däl osy jūrtşylyq menı şekten şyǧuşylyq pen zaŋsyzdyqtan bırneşe ret aman alyp qaldy. Arqa süier basqa kımım bar?
Altynşydan, men türmede otyrǧym kelmeidı, eş kınäm bolmasa nege otyruym kerek. Sondyqtan, menı aldyn ala oilastyrylǧan sebeppen jauapqa tartyp, türmege otyrǧyzuy mümkın qauıp töngen kezde men būl turaly ärdaiym jazyp otyramyn.
Jäne jetınşıden, qūrmettı menıŋ jamandyq oilauşylarym men eşnärsege senbeuşılerım, sızder men üşın küresetın bolsaŋyz, men üşın emes, elde şekten şyǧuşylyq bolmauy üşın, erteŋgı kün sızdıŋ de biznesıŋızdı tura osylai basynbau üşın küresesız. Men biznesımdı bırneşe ret joǧaltqanmyn, qajet bolsa, taǧy da joǧaltuǧa daiynmyn, bıraq, men qoǧamymyz jaqsara tüsuı üşın qolymnan kelgenın jasauǧa tyrysamyn. Eger sız olai jasaǧyŋyz kelmese, menı oqymaŋyz, öz älemıŋızde ömır süre berıŋız.
P.S. Mümkın sız jyldar boiy qūryp, jinaqtaǧan dünieŋızdı eşqaşan joǧaltyp körmegen bolarsyz. Sözıme senıŋız, jyldap jasaǧan eŋbegıŋızdı joǧaltu öte öte auyr jäne ol köŋıl qynjyltady. Sondyqtan, özıŋız synǧa ūşyramas üşın özgenı synamaŋyz.
Marǧūlan Seisembaidyŋ äleumettık jelıdegı jazbasy
