DDŪ: Koronavirus älı ūzaqqa sozylady

Älemnıŋ barlyq elderıne koronavirusqa qarsy küreste ūzaq joldy basyp ötu kerek. Olardyŋ köpşılıgı epidemiianyŋ bastapqy satysynda, deidı Düniejüzılık densaulyq saqtau ūiymynyŋ basşysy Tedros Adhan Gebreiius. Sonymen bırge, basqa elderde ekınşı ret qaitalanyp, örşıp jatyr, dedı Gebreiius. Onyŋ sözıne qaraǧanda, älemnıŋ aimaqtarynda koronavirustyŋ taraluynyŋ ärtürlı deŋgeiı baiqalady, dep habarlaidy RT. «Bız är türlı aimaqtardaǧy ärtürlı tendensiialardy baiqaimyz. Batys Europadaǧy oqiǧalardyŋ köbısı tūraqtandy nemese azaiyp keledı. Sandary az bolsa da, bız Afrika, Ortalyq jäne Oŋtüstık Amerikada, sondai-aq Şyǧys Europadan mazasyz, qauıptı tendensiiany baiqaimyz», - dedı DDŪ basşysy. Sonymen qatar, qaitalanatyn infeksiiany boldyrmau qajet,  köptegen memleketter älı de virusqa qarsy älsız, dedı ol. «Būl virus bızben ūzaq uaqyt bırge bolady. (...) Köptegen elder ındettıŋ bastapqy satysynda, al virusty būrynnan basynan ötkergen keibır elderde qaita bastalǧanyn körsetedı. Qatelespeŋızder, bızde ūzaq jol bar», - dep eskerttı Hebreies. Esterıŋızge sala keteiık, Düniejüzılık densaulyq saqtau ūiymy koronavirusty pandemiia dep jariialady, virus Qytai tūrǧyndaryna ǧana emes, sonymen bırge älemnıŋ basqa elderıne de äser ete bastady. Bügıngı taŋda 2,5 millionnan astam adam COVID-19 jūqtyrǧan. 180 myŋnan astam adam qaitys boldy.