Basty bet
Jaŋalyqtar
Bır täulıkte bes ölım. Maŋǧystauda COVID-19-dan äskeri qyzmetker köz jūmdy

Bır täulıkte bes ölım. Maŋǧystauda COVID-19-dan äskeri qyzmetker köz jūmdy

24.04.2020

4793

https://adyrna.kz/content/uploads/2020/04/kkk-5.jpg

Maŋǧystau oblysynda koronavirustan alǧaşqy adam qaitys boldy, - dep habarlaidy "Adyrna".

Būl turaly oblystyŋ bas sanitar därıgerı Erǧali Sydymanov Qoǧamdyq kommunikasiialar ortalyǧynda ötken brifingte mälımdedı. Mūnaily audany Batyr auylynyŋ 1980 jylǧa tūrǧyny bügın, 24 säuırde qaitys boldy.
"Er adam 20 säuırde dene qyzuy köterılıp, tamaǧy auyrǧan soŋ jedel kömekke jügıngen. Rentgen tapsyryp, pnevmoniia anyqtaldy. Ol jedel järdemge jügıngenge deiın bır apta özın naşar sezınıptı. Aita keteiık, er adam ekı ret koronavirusqa test tapsyrǧan. Bırınşısı terıs, ekınşısı oŋ nätije körsettı. Ol öŋırdegı äskeri bölımderdıŋ bırınde qyzmet etken. Tötenşe jaǧdai kezınde Aqtau qalasyn öŋdeitın dezinfektorlar tobynda bolǧan. Er adamnyŋ otbasy bar, 5 balanyŋ äkesı. Qazır onymen bailanysta bolǧan barlyq adamdar karantinde jatyr", - dedı Erǧali Sydymanov.

Audannyŋ bas sanitar därıgerınıŋ aituynşa, nauqastarmen bailanysta bolǧandardyŋ sany 683 adam, jaqyn qarym-qatynasta bolǧandar 161, bailanysta boluy mümkınder 522 adam.

Būdan basqa, bügıngı taŋda infeksiialyq stasionarda 15 adam emdelıp jatyr. Olardyŋ bırı jasandy tynys alu apparatynda. Auyrǧandardyŋ ışınde bır medisina qyzmetkerı, üş polisei, bır äskeri qyzmetker, ekı zeinetker jäne toǧyz jūmyssyz bar delıngen habarlamada.