QR Tūŋyş Prezidendı – Elbasy Nūrsūltan Nazarbaevtyŋ töraǧalyǧymen Qauıpsızdık Keŋesınıŋ otyrysy öttı, - dep habarlaidy "Adyrna" Tūŋǧyş Prezident saityna sılteme jasap.
Beinekonferensiia rejimınde ötken kezdesu barysynda koronavirus ındetıne qarsy kürestegı strategiialyq mäseleler, sondai-aq el ekonomikasyn qalpyna keltıru jäne daǧdarystan keiıngı kezeŋde damu mäselelerı qaraldy.
Elbasy jahandyq qauıp-qaterler töŋıregındegı jaǧdai alaŋdatarlyq ssenarii boiynşa damyp jatqanyn atap öttı.
– Koronavirustyŋ saldary älemdık ekonomikanyŋ maŋyzdy jüielerıne äser etude. Halyqaralyq valiuta qorynyŋ sarapşylary qazırgı «Jahandyq karantindı» ötken ǧasyrda bolǧan Ūly depressiiamen salystyruda. Olardyŋ pıkırınşe, jan basyna şaqqandaǧy tabys kölemı 170 elde tömendeidı. Ekonomikasy älsız elder köbırek zardap şegetın bolady. Sarapşylar osy toqsanda pandemiia men ekonomikalyq daǧdarystyŋ şaryqtau şegı qatar keledı degen boljam jasap otyr. Önerkäsıptık öndırıstıŋ qūldyrauy Ekınşı düniejüzılık soǧystan keiıngı kezeŋdegı eŋ tömen deŋgeige jetuı mümkın, - dedı Qazaqstannyŋ Tūŋǧyş Prezidentı.
Nūrsūltan Nazarbaev jaqyn arada älemnıŋ barlyq memleketterı būdan da auyr synaqtarǧa tap bolatynyn jäne onyŋ bärı Qazaqstandy da ainalyp ötpeitının aitty.
– 20 säuırde mūnai baǧasy būryn-soŋdy bolmaǧan deŋgeige tüsıp kettı. Älemdık naryqtardyŋ teŋgerımı būzyldy. Pandemiianyŋ soŋy jäne öndırıstıŋ jappai qūldyrauy jahandyq qarjy daǧdarysyna ūlasady degen de boljam bar. Kelesı kezeŋ – älemdık azyq-tülık daǧdarysy boluy mümkın. Būl şielenıster men qaqtyǧystarǧa äkeluı yqtimal, - dedı Elbasy.
Qauıpsızdık Keŋesınıŋ Töraǧasy kürdelı kezeŋdı tabysty eŋserude qazırden bastap qolǧa alynǧan ıs-şaralar maŋyzdy röl atqaratynyn atap öttı.
– Memleket basşysy men Premer-Ministr daǧdarysqa qarsy qajettı barlyq şeşım qabyldady. Elımızde tötenşe jaǧdai jariialanyp, karantin rejimı engızıldı. Men barlyq azamattardy tötenşe jaǧdai kezınde tiıstı talaptardy oryndauǧa şaqyramyn. Tarihymyzda mūndai auyrtpalyqtar talai ret bolǧan. Bıraq osy jolǧy qiyndyqtyŋ orny bölek. Ärbır qazaqstandyq memlekettıŋ qamqorlyǧyn sezınuı üşın qoldan kelgennıŋ bärın jasap jatyrmyz. Sonymen qatar qazır bız aldyn-ala qamdanuymyz kerek. Älemnıŋ būrynǧydai bolmasy anyq, - dedı Qazaqstannyŋ Tūŋǧyş Prezidentı.
Qauıpsızdık Keŋesınıŋ Töraǧasy memleket pen qoǧamda bolatyn özgerısterge de toqtaldy.
– Bırınşıden, barlyq el özderınıŋ ekonomikalyq strategiialaryn qaita qarap jatyr. Mūnda özın-özı qamtamasyz etu, özıne tieslı resurstarǧa ümıt artu, öndırıs pen qarjylyq tızbektıŋ senımdılıgı alǧaşqy orynda bolady. Ekınşıden, jaŋa salalyq basym baǧyttar qalyptasady. Tiımsız sektorlar mülde joiylyp ketedı. Ekonomikalyq ösımnıŋ köşın tyŋ salalar bastaiyn dep tūr. Olar ekonomikany ılgerıletıp, adamdardy jūmyspen qamtidy. Üşınşıden, barlyq auqymdy daǧdarystar tehnologiialyq jäne ekonomikalyq älemdık tärtıptıŋ sikldık özgeruımen bailanysty. Qazır eskı modeldıŋ küiregenın körıp otyrmyz, - dedı Nūrsūltan Nazarbaev.
Elbasy jahandyq syn-qaterlerdı eŋseru üşın Qazaqstanda barlyq qajettı resurstar bar ekenın atap öttı.
– Ötken jyldary bız şikızatqa täueldılıktı azaitu üşın tabandy jūmys ıstedık. Sondyqtan damudyŋ barlyq negızgı baǧyttary boiynşa arnaiy baǧdarlamalar äzırlendı. İndustriialandyru, şaǧyn jäne orta biznestı damytu, infraqūrylymdyq damu, auyl şaruaşylyǧy, äleumettık baǧdarlamalar jüzege asyryldy. Olarǧa ülken resurs bölındı. Bız Ūlttyq qorǧa qomaqty qarajat jinadyq. Endı daǧdarys kezınde onyŋ elge paidasy tiıp jatyr. Alaida qordaǧy qarjy şeksız emes, ony ünemdı jäne eŋ qiyn jaǧdaida ǧana paidalanu kerek, - dedı Qazaqstannyŋ Tūŋǧyş Prezidentı.
Qauıpsızdık Keŋesınıŋ Töraǧasy äleumettık-ekonomikalyq damuda erekşe ädıs-täsılderdı qoldanudyŋ maŋyzdylyǧyn atap öttı.
– Bırınşı kezekte daǧdarysqa qarsy keşendı şaralardy jüzege asyruymyz kerek. Körsetılıp jatqan kömektıŋ biznes pen halyqqa jetuı üşın bölıngen är teŋgenı qadaǧalau qajet. Qazırdıŋ özınde ekonomikany qalpyna keltıru jäne daǧdarystan keiıngı kezeŋde damu baǧdarlamasyn ıske asyruǧa kırısken jön. Ekonomikanyŋ negızgı salalarynyŋ, bolaşaq ekonomikasynyŋ, qarjy jäne äleumettık salanyŋ, qalalar men auyldardyŋ damu baǧyttaryn anyqtap alu maŋyzdy, - dedı Nūrsūltan Nazarbaev.
Elbasy daǧdarysqa qarsy şaralardy jüzege asyru üşın barlyq deŋgeidegı memlekettık organdardyŋ tiımdı jūmysyn qamtamasyz etu qajettılıgıne toqtaldy.
– Qazaqstandy tiımdı korporasiia retınde qarastyratyn sät tudy. Ol strategiialyq ärı operasiialyq naqty josparǧa säikes bıryŋǧai ortalyqtan basqaryluǧa tiıs. Auyl äkımınen bastap Ükımet müşesıne deiıngı memlekettık qyzmetşınıŋ bärı öz jūmysyn qaita pysyqtap, naqty nätijelerge qol jetkızuı qajet. Elge ekonomikany qalpyna keltıru, jūmyssyzdyqty azaitu, halyqty azyq-tülıkpen jäne qajettınıŋ bärımen qamtamasyz etu üşın tiımdı ärı batyl şeşım qabyldai alatyn menedjerler kerek, - dedı Qazaqstan Respublikasynyŋ Tūŋǧyş Prezidentı.
Qorytyndylai kele, Qauıpsızdık Keŋesınıŋ Töraǧasy 2020 jylǧy daǧdarystan keiıngı elımızdıŋ damu jolyn der kezınde oilastyru būl qiyndyqty jeŋıp şyǧuǧa kömek berıp qana qoimai, bükıl memleket üşın paidasy tietındıgın atap öttı.
– Bız būl daǧdarysty da jeŋetınımızge senımdımın. Äkımder men ministrler tıkelei jauap beredı. Ükımet barlyq memlekettık baǧdarlamalar men daǧdarysqa qarsy ıs-şaralardyŋ tiımdı oryndaluyn baqylaudy qamtamasyz etuı qajet. Men barşa qazaqstandyqtardy qabyldanǧan şaralardy qoldauǧa, bırlıkke jäne tärtıptı saqtauǧa şaqyramyn. Mūnyŋ bärı halyqtyŋ müddesı üşın jasalyp jatyr, – dedı Nūrsūltan Nazarbaev.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz