Shashtary jelbiregen Aıbek pen Aıqyn kópshiliktiń yqylasyna bólendi (vıdeo)

1623

Feısbýk áleýmettik jelisinde Aqjigit Álibekulynyń paraqshasyndaǵy aýylda án aıtqan aǵaly-inili balalardyń aýyl týraly áni jelini shýlatty. "Aýyldy saǵynyp júrgende aýyldaǵy inimniń eki uly Aıbek pen Aıqynnyń shashtary jelbirep aıtqan myna áni kóńilimdi tolqytty" dep jazypty Aqjigit.
Álibek Aıbek Dáýrenuly Jambyl oblysy Jambyl aýdany Aybulaq aýylyndaǵy Qalqabaı Sartbaev atyndaǵy orta mekteptiń 8-synyp oqýshysy. Aýdandyq, oblystyq birneshe baıqaýlardyń jeńimpazy. 2019 jyly Táýelsizdik merekesi qurmetine uıymdastyrylǵan Respýblıkalyq "Jas sarbaz" áskerı-patrıottyq ánder baıqaýynda QR Qorǵanys mınıstri general-maıor N.Ermekbaevtyń qolymen marapattalǵan (Nur-Sultan q.). Inisi Álibek Aıqyn Dáýrenuly da atalǵan mekteptiń 3-synyp oqýshysy. Ekeýi de mekteptegi mýzyka páni muǵalimi Kúlıpa Túıinshekovadan dáris alady. Ákeleri Dáýren jeke mal sharýashylyǵymen aınalysady. Analary Nazgúl Kóshtaeva bastaýysh synyptyń muǵalimi. Joǵarydaǵy ándi ákelerine kómektesip, mal baǵyp júrip ózderi túsirgen.

Bul vıdeoǵa 2 myńǵa jýyq adam laık basyp, 1.5 myń adam bólisip, 500-ge jýyq kisi pikir bildirgen. Bul balalardyń áni qalada karantınde qamalyp otyrǵan jurttyń názik tusyn tap basqandaı.

"Adyrna" ulttyq portaly

Tómennen aǵaıyndy ekeýdiń ánderin tyńdańyz.

 

Pikirler
Redakııa tańdaýy