NATO-nyń bas hatshysy Reseı men Qytaıdy koronavırýs pandemııasy kezinde jalǵan aqparat taratyp otyr dep málimdedi. Bul týraly centralasian.org jazdy.
Iens Stoltenberg jýrnalıstermen telekonferenııa formatynda kezdesý ótkizdi.
"Reseı men Qytaı ókilderiniń málimdeýinshe, NATO odaqtastary pandemııa kezinde bir-birine kómektespeı, qarttaryn dertten aman alyp qala almaı otyr eken. Máskeý men Pekınniń mundaı málimdemesi jalǵan, ári ol NATO elderi arasyndaǵy odaqty buzý maqsatyn kózdeıdi", dedi NATO basshysy.
"Ózara kómek týraly aıtar bolsam, jaqynda ǵana odaqqa múshe elderdiń qorǵanys mınıstrleri telekonferenııa ótkizip, birlesken jumystardy kúsheıtýge kelisti. Sonda ǵana biz naýqastardy shekara arqyly ótkizip, medıınalyq zattardy tasymaldaı alamyz. Qytaı men Reseıdiń málimdemesi - jalǵan".
Jýrnalısterdiń birqatary NATO áskerin shyǵysqa ornalastyrý jaıyn surady.
Stoltenberg NATO áskerin Baltyq elderine ornalastyrýdy jalǵastyratynyn málimdedi. "Qur sóz emes, ispen dáleldep otyrmyz. Odaqtas elderdiń áskerı kúshi Lıtvada, Latvııada, Estonııa men Polshada ornalasqan. NATO-nyń áskerı kemeleri Baltyq keńizin kúzetip júr", dedi NATO basshysy.
Iens Stoltenberg odaqtas elderdiń áskerı kemeleri Egeı teńizinde de bar ekenin aıtty. Olar Túrkııa men Eýropa odaǵy arasyndaǵy kóshi-qon daǵdarysyn eńserý týraly kelisiminiń oryndalýyna kómektesedi.
