Almaty oblysynda Qazaqstan Respbulikasy Prezidentınıŋ 2020 jylǧy 27 säuırdegı Qazaqstan Respublikasynda tötenşe jaǧdaidy ūzartu jäne jeŋıldetılgen karantindık şaralardy engızu turaly mälımdemesıne säikes kezeŋ-kezeŋımen jeŋıldetılgen karantin şaralary engızıledı. Osyǧan bailanysty oblystyŋ bas memlekettık sanitarlyq därıgerı Qairat Baimūhambetov tiıstı qauly qabyldady, - dep habarlaidy Almaty oblysy äkımınıŋ baspasöz qyzmetı.
Qaulyda aitylǧandai, karantindık şaralardy jeŋıldetu aiasynda saǧat 05.00-20.00 aralyǧynda rastaityn qūjattary bar bolǧan jaǧdaida bau-baqşaǧa, saiajailarǧa baratyn azamattarǧa, qoǧamdyq jäne jeke kölıkterge salynǧan tyiym alynyp tastalady. Degenmen baǧbandarǧa (baqşa eguşılerge) uchaskelerde (saiajailarda) qonaq şaqyryp şara ötkızuge tyiym salynady, olar 2 metrlık ara qaşyqtyqty saqtap, medisinalyq maskalar taǧyp, antiseptikter paidalanudy jalǧastyruy tiıs.
Azamattarǧa aula ışındegı aumaqtar men balalar alaŋdarynda saǧat 09.00 men 20.00 aralyǧynda seruendeuge rūqsat etıledı. Oblys tūrǧyndary bır-bırımen qol alyspauy tiıs, adamdar arasyndaǧy 2 metrlık qaşyqtyqty saqtap, medisinalyq maskalar taǧyp, antiseptikter paidalana beruı kerek.
Atap öterlıgı, COVID-19 infeksiiasynyŋ tırkeluıne bailanysty karantinnıŋ küşeitılgen rejimı engızılgen eldı mekender men nysandar aumaǧynda qozǧalysqa salynǧan tyiym saqtalady.
Jaŋa qaulyǧa säikes avtojuu, tehnikalyq qyzmet körsetu stansiialary, döŋgelek jöndeu qyzmetı saǧat 10.00-den 20.00 aralyǧynda öz jūmystaryn jalǧastyra alady.
Sol siiaqty taŋerteŋgı 09.00-den keşkı 16.00 aralyǧynda himiialyq tazartu, kır juu oryndary da jūmystaryna kırısedı.
Zaŋdyq qyzmet körsetetın subektıler (advokattar, sot oryndauşylar jäne t.b.), sondai-aq notariustar tapsyrystar boiynşa saǧat 10.00-nan 20.00-ge deiın jūmys ısteidı.
Avtobölşekter satatyn, qūrylys materialdaryn saudalaityn jeke tūrǧan dükender de saǧat 09.00 men 18.00 aralyǧynda aşyq bolady.
Ekınşı deŋgeilı bankter men olarǧa qarasty aqşa aiyrbastau punktterı, nesielık serıktestıkter, mikroqarjylyq ūiymdar qalypty rejimde jūmystaryn jalǧastyrady.
Bau-baqşa serıktestıkterıne, saiajailarǧa baratyn qoǧamdyq kölıkter saǧat 05.00-den 20.00-ge deiın jüretın bolady.
Küzet qyzmetı ūiymdary, joldar men köpırlerdı kütıp-saqtaityn, sonyŋ ışınde temır joldarda qyzmet körsetetın nysandar da jūmysqa kırısedı.
Būl rette karantin kezınde jūmys ısteitın nysandar sanitarlyq-dezinfeksiialyq talaptardy qataŋ saqtauy tiıs.
"Adyrna" ūlttyq portaly
