Maqtaaral audanyndaǧy su tasqynyna orai auyl şaruaşylyǧy salasynda tügendeu jūmystary jalǧasuda. Qazırgı taŋda būl jūmystarmen Türkıstan oblystyq auyl şaruaşylyǧy basqarmasynyŋ basşysy Nūrbek Badyraqov bastaǧan Arnaiy jūmysşy toby ainalysyp jatyr.
Bügın būl turaly Myrzakent kentındegı ştabtyŋ baspasöz ortalyǧynda Türkıstan oblystyq auyl şaruaşylyǧy basqarma basşysynyŋ orynbasary Tūrǧanbek Ospanov mälım ettı.
Basqarma orynbasarynyŋ aituynşa, qazırdıŋ özınde 3601 gektarǧa juyq auyl şaruaşylyǧy daqyldarynyŋ su astynda qalyp, zardap şekkenı anyqtalǧan. Aldyn ala boljam boiynşa şyǧyn kölemı 404 mln teŋgenı qūrap otyr. Äsırese, Jaŋajol, Eŋbekşı auyl okrugterıne qarasty Jeŋıs, Jaŋatūrmys, Jantaqsai auyldaryndaǧy alqaptar köptep zardap şekken. Su astynda qalǧan egıstık alqaptyŋ 85 paiyzyn maqta egıstıgı qūrsa, qalǧany joŋyşqa men jügerıge tiesılı ekenı anyqtalypty.
"Däl qazırgı taŋda 95 mamanymyz su astynda qalǧan egıstık alqaptary men mal şyǧyndaryn eseptep, tügendeu jūmystaryn jürgızude. Maqtaaral audanyndaǧy egıstık alqaptar men mal şyǧyndaryn tolyq esepteuge äzırge mümkındık az bolyp tūr. Desek te, tūrǧyndar bergen mälımetterdı audandyq auyl şaruaşylyǧy bölımımen bırlese otyryp, zerdelep jatyrmyz. Bız aldaǧy uaqytta su tasqyny basylǧan soŋ auyldardy aralap, şyǧyn kölemın naqty anyqtaityn bolamyz", - deidı Tūrǧanbek Ospanov.
Aita keteiık, bügınde Maqtaaral audanynda aldaǧy uaqytta su basu qaupı bar auyldarda maldy evakuasiialau jūmystary jalǧasuda. Qazırdıŋ özınde su tasqyny oryn alǧan 7 eldımekennen iaǧni, Jeŋıs, Jaŋatūrmys, Jantaqsai, Ferdousi, Eŋbekşı, Nūrlytaŋ, Örgebas auyldarynan 3115 ırı qara, 1101 jylqy, 585 qoi, 34 tüie köşırılgen. Al suǧa ketıp ölgen mal sany äzırge belgısız bolyp otyr. Būl jūmystarǧa tasqyn sudyŋ älı de bolsa toqtamai tūrǧany qolbailau boluda.
"Adyrna" ūlttyq portaly
