QR Prezidentı Qasym-Jomart Toqaev Egemen Qazaqstan gazetıne sūhbat berdı. Memleket basşysynyŋ köktemgı egın men qazırgı kürdelı kezeŋdegı jaǧdaiǧa bailanysty aitqan sözın ūsynamyz.
Elımız üşın auyl şaruaşylyǧynyŋ maŋyzy zor. Däl qazırgı basty mındet – egıs nauqanyn oidaǧydai ötkızu. Qazaq «Köktemnıŋ bır künı – jylǧa azyq» deidı. Kez kelgen qauıp-qaterge qaramastan būl jūmysty uaqtyly jürgızu kerek.
Mälımdemede aitylǧandai, biyl köktemgı egıs nauqanyna jäne önımdı aldyn ala satyp aluǧa 200 milliard teŋge bölındı. Sonyŋ 70 milliardy tūqym öndırısın damytuǧa, tyŋaitqyş satyp aluǧa jūmsalady. Sonymen qatar şaǧyn jäne orta şarua qojalyqtary janarmaidy arzan baǧamen alady. Osyǧan orai 390 myŋ tonna dizel otyny jeŋıldıkpen satyluda. Mūnyŋ bärı mol önım aluǧa septıgın tigızedı dep senemın.
Qazır halyqty azyq-tülıkpen qamtamasyz etu – negızgı mäselenıŋ bırı. Men mūny Ükımetke de, äkımderge de tūraqty baqylauda ūstaudy tapsyrdym. Jalpy, elımızde azyq-tülık jetkılıktı. Aldaǧy kezeŋde baǧany qymbattatpai, eldı dürlıktırmei, jūmysty dūrys jürgızgen jön.
Eŋ maŋyzdy mäsele – auyldaǧy jastarǧa jaǧdai jasap, olardy jūmyspen qamtamasyz etu. Äitpese baqylausyz migrasiia men urbanizasiiaǧa ūşyrap, sonyŋ saldarynan kürdelı äleumettık jäne saiasi mäselelerdı şeşuımızge tura keluı mümkın. Mıne, bız osyndai qiynşylyqtardy köre bastadyq. Äsırese būl ırı qalalarda baiqaluda. Osy mäseleler memlekettık organdardyŋ ūdaiy nazarynda boluy kerek.
Taǧy bır zor maqsat – eldı eŋbekke baulu. Şyndyqty aitsaq, şetelderde halqymyz naǧyz eŋbekqor jūrt retınde älı tanyla qoiǧan joq. Būl bızdıŋ bedelımızge de edäuır nūqsan keltıredı. Qajyrly eŋbektıŋ arqasynda ǧana köp mäselenı şeşıp, memleketımızdı damytamyz, äl-auqatymyzdy arttyramyz.Tötenşe jaǧdai kündelıktı ömırımızge eleulı özgerıs engızdı. Josparlanǧan jūmystardy, türlı ıs-şaralardy keiınge qaldyruǧa mäjbür boldyq. Osyndai kezde, eŋ aldymen, ne närsenıŋ asa baǧaly ekenın tüsındık. Būl – adamnyŋ ömırı, adami qarym-qatynastar, azamattardyŋ densaulyǧy, qoǧamnyŋ bereke-bırlıgı. Bır-bırımızge qoldau körsetudıŋ qanşalyqty maŋyzdy ekenın de aŋǧardyq. Qalǧan dünienıŋ bärın bırtındep retke keltıruge bolady. Pandemiia kezınde bükıl qoǧamymyz synǧa tüstı. Köptegen azamattar qiyn sätte elge qyzmet etudıŋ ozyq ülgısın tanytty. Būl – parasatty patriotizmnıŋ körınısı. Kez kelgen kürdelı kezeŋ adamnyŋ jıgerın janyp, ruhyn qairaidy. Älemge jaiylǧan ındet tūsyndaǧy ahual halqymyzdy odan ärı ūiystyra tüsetını anyq. Osy rette, ūly Abaidyŋ «Toqtaulylyq, qalypty şydamdylyq – būl qairattan şyǧady, bılseŋ kerek» degen öleŋ joly oiǧa oralady. Şyn mänınde, tabandylyq pen tözımdılık tanytsaq, qiyndyqqa tötep beremız. Elımız būl qiyndyqtan şirap ärı şyŋdalyp şyǧady dep tolyq senımmen aita alamyn. Barlyq qiyndyqty bırge jeŋemız!
Darhan Qydyrälı,
"Egemen Qazaqstan" gazetı
