Tauarlar men qyzmetterdıŋ sapasy men qauıpsızdıgı komitetınıŋ töraǧasy Timur Sūltanǧaziev Qazaqstanda karantin merzımın ūzartuǧa qatysty pıkır bıldırdı.
Jurnalister töraǧaǧa karantin merzımıne qatysty sūraq qoidy.
"Körsetkıştıŋ ösuı turaly aitatyn bolsaq, koronavirus jūqtyrǧandardyŋ sany azaiyp jatyr. Säuırde ortaşa körsetkış 15-16 paiyz bolatyn, al soŋǧy aptada ol körsetkış 7 paiyzdan asyp jatqan joq, soŋǧy üş künde tıptı 4 paiyzdan asqan joq. Qazaqstanda karantin merzımın ūzartu mäselesı Memlekettık komissiia men bas sanitar därıgerdıŋ baqylauynda. Karantindı alyp tastaudyŋ naqty şarttary bar. Ol şartta oryndaluy üşın halyq Densaulyq saqtau ministrlıgı aitqan şaralardy ūstanuy qajet", - dedı Sūltanǧaziev.
