Bügın Reseidıŋ türlı joǧary oqu oryndarynda oqityn jetısulyq 102 student Tomsk qalasy arqyly Almaty äuejaiyna oraldy.
Elge oralǧan studentter 2 avtobuspen Qapşaǧai maŋyndaǧy demalys ornyna jetkızılıp, ornalastyryldy. Olar ekı kün karantinde bolady. Olarǧa demalys orny aumaǧynan syrtqa şyǧuǧa rūqsat joq. Studentter bırınşı kezektegı qajettılıktermen tolyq qamtamasyz etıledı.
Būl orynda karantin talaptary men sanitarlyq-dezinfeksiialyq şaralardyŋ qataŋ saqtaluyn tiıstı sala mamandary baqylaityn bolady. Demalys ornyna kıreberıste polisiia posty ornatylǧan. Studentterdıŋ barlyǧy KVİ-ge test tapsyrdy. Qorytyndysy şyqqannan keiın olar tūrǧylyqty jerlerıne taratylatyn bolady.
Almaty oblysy
