Qazaqstanda 15 nauryzda engızılgen tötenşe jaǧdai rejimınıŋ merzımı aiaqtaldy, dep habarlaidy Sputniknews.kz.
Memleket basşysy tötenşe jaǧdaidy ūzartu turaly jarlyqqa ekı ret qol qoidy. Bastapqyda ol 16 säuırde, sodan keiın 1 mamyrda saǧat 07:00-de aiaqtaluy kerek edı, bıraq qaitadan 11 mamyr saǧat 00:00 deiın ūzartyldy.
Qazaqstan Respublikasynyŋ ükımetıne ortalyq jäne jergılıktı memlekettık organdarmen bırlesıp, qajettı şaralardy qabyldau tapsyryldy, tötenşe jaǧdai rejimın qamtamasyz etu jönınde memlekettık komissiia qūryldy.
Tötenşe jaǧdai toqtatylǧannan keiın karantin alyna ma?
Tötenşe jaǧdai rejimı toqtatylǧannan keiın de karantin jäne şekteu şaralary saqtaluy mümkın.
Bükıl Qazaqstan boiynşa karantin engızıldı. 20 säuırden bastap Almaty men Nūr-Sūltanda, 27 säuırden öŋırlerde, 1 mamyrdan Şymkentte şekteuler bırtındep alyna bastady.
Şekteulerdıŋ basym bölıgı 4 mamyrdan bastap küşın joidy.
Megapolister men oblystardyŋ şekaralaryndaǧy blokpostardy alyp tastau turaly şeşım kezeŋ-kezeŋımen qabyldanady.
Qazaqstanda 11 mamyrdan bastap kımderge jūmys ısteuge rūqsat etıledı
Düisenbı, 11 mamyrda Qazaqstan prezidentı Qasym-Jomart Toqaev memlekettık komissiianyŋ otyrysyn ötkızıp, mälımdeme jasaidy.
Memleket basşysy koronavirusqa qatysty jaǧdaidy baǧalap, tötenşe jaǧdai rejimı alynǧannan keiın ükımet pen basqa da memlekettık organdardyŋ odan ärı äreket etu strategiiasyn anyqtaidy dep boljanuda.
Tötenşe jaǧdai alynǧannan keiın 42500 teŋge järdemaqy tölene me?
Eŋ tömengı jalaqy mölşerındegı äleumettık tölem bır ret taǧaiyndalady jäne tötenşe jaǧdai kezınde ai saiyn tölenedı.
Ekı ai ışınde, tötenşe jaǧdai rejimı kezınde, şekteulerge bailanysty jūmysynan aiyrylǧan azamattarǧa ekı ret tölem jasaldy.
Işkı äue qatynasyn qalpyna keltıru
1 mamyrdan bastap prezident Qasym-Jomart Toqaevtyŋ tapsyrmasymen Nūr-Sūltan men Almaty arasyndaǧy reister qalpyna keltırıldı.
4 mamyrdan bastap ūşaq Nūr-Sūltan men Almatydan Qyzylorda, Petropavl, Öskemen jäne Semeige ūşa bastady.
Al 11 mamyrdan bastap Nūr-Sūltan men Almatydan Aqtöbe, Pavlodar, Taraz, Qaraǧandy, Taldyqorǧan, Kökşetauǧa ūşuǧa bolady.
13 mamyrdan Qostanai men Üşaralǧa reister qalpyna keltırıledı.
Foto: aşyq derekköz
