Búgin Shymkent qalasynyń ákimi Murat Áıtenov qatty jaýyn-shashyn saldarynan sý basqan Eltaı eldimekenine baryp, jaǵdaı barysymen tanysty. Sý shaıǵan jerlerdi aralap kórgen qala ákimi tez arada osy salaǵa jaýapty orynbasarynyń tóraǵalyǵymen tasqyn zardaptaryn joıý jáne aldyn alý jumystary jóninde arnaıy komıssııa qurýdy tapsyrdy.
Mamandardyń pikirine súıene aldaǵy úsh kúnde tolassyz jaýyn-shashynnyń bolatynyn aıtqan Murat Dúısenbekuly, tabıǵattyń tosyn minez tanytýyna qarsy sharalar meılinshe kúsheıtilýin qatań baqylaýǵa alýdy mindettedi. Sonymen qatar ákim jaýynnan keletin qaýipti aldyn ala boljaı almaǵan jaýapty laýazymdy azamattarǵa tıisti shara qoldanylatynyn málim etti.
Aıta keteıik, keshe saǵat 19.14-te Shymkent qalasy Eńbekshi aýdany, Eltaı eldi mekenine qatty nóser saldarynan Túrkistan oblysy Tólebı aýdanynan sekýndyna 3-5 tekshe metr sý kelgen. Sýdyń deńgeıi 20-50 sm shamasynda bolan. Kóp mólsherde kelgen sýdan aryq arnasynan asyp, sonyń saldarynan turǵyn úılerdiń aýlalaryn sý basqan.
14.05.2020 jyly saǵat 12-00-degi jaǵdaı boıynsha atalǵan eldimekekende jaýyn-shashyn saldarynan 60 aýla ýchaskesi men 60 sharýashylyq qurylystaryn (sý deńgeıi 20-50 sm) sý basty, onyń ishinde 24 turǵyn úıdi sý basqan, 5 sharýashylyq nysan qıraǵan.
Onda qazir qala ákiminiń tapsyrmasymen TJ saldaryn joıý boıynsha TJD jedel shtaby qurylǵan. TJD, sondaı-aq №6506 á/b kúshimen (qazirgi ýaqytta 7000 m3 sý soryldy) kanaldardy tazalaý, tereńdetý jáne arnany túzetý jumystary júrgizildi.
Sý basý aımaǵynan 300 adam (124 bala) evakýaııalandy, onyń ishinde 294 adam týysqandaryna jáne 6 adam №119 OM bazasynda evakýaııalyq pýnktke ornalastyryldy. Oqıǵa ornynda 4 qosalqy evakýaııalyq pýnkt daıyndaldy (№ 97, 105, 120, 126 OM). Sondaı-aq TJD (133 qyzmetker, 10 birlik tehnıka jáne 19 motopompa), JAO (46 qyzmetker, 31 birlik tehnıka), 6506 áskerı bólimi (100 qyzmetker, 4 birlik tehnıka) jumyldyryldy.
Shymkent
