Bılım jäne ǧylym ministrı Ashat Aimaǧambetov bılım berudıŋ mekteptegı qalypty formatyn qaitarudy sūraǧan ata-analardyŋ petisiiasyna jauap berdı, - dep habarlaidy "Adyrna". Būl turaly Facebook paraqşasynda jariialady.
Dästürlı ıştei oqityn mektep qaitarylsyn» degen petisiiany oqydym. Qazaqstanda keleşektegı oqytu formatyna alaŋdap otyrǧan ata-analardyŋ bärıne aitatynym, qaşyqtan oqytu – älemdık Covid-19 pandemiiasyna bailanysty bärımızdıŋ qauıpsızdıgımız üşın qoldanylǧan mäjbürlı şara.
Bızdıŋ aldymyzda naqty mındet tūrdy - oquşylar men bılım qyzmetkerlerınıŋ densaulyǧyn saqtau, sonymen bırge oqytu prosesın üzbeu. IýNESKO-nyŋ mälımetıne säikes, bükıl älemde 1,5 mlrd oquşy qaşyqtan oqytuǧa mümkındık beretın tehnologiialarmen bılım aluda.
Bız oqu ürdısın jalǧastyru üşın qoldaǧy bar mümkındıktı paidalandyq. Keibır jaǧdaidyŋ kezdeskenı bolmasa jalpy ürdıs ūiymdastyryldy dep esepteimın.
Eşkım de dästürlı ıştei bılım beru formasyn alyp tastaǧan joq. Qaşyqtan oqytu – mäjbürlı şara boldy. Älbette alda da mūndai jaǧdailarmen betpe-bet kelgen kezde baiqau kerek. Sol sebeptı Memleket basşysynyŋ tapsyrmasymen bız tiıstı jūmystardy ūiymdastyrudamyz.
Qaşyqtan oqytudyŋ tehnologiialaryn damytyp, mektepterdı aqparattandyru jūmysyn jürgızu kerek. Mäselen, aua raiynyŋ būzyluyna bailanysty oquşylardyŋ oqudan qaluǧa mäjbür bolatyn jaǧdaiyn alyp qarastyraiyq nemese keide bala üiınde oquǧa mäjbür bolady.
Däl qazır eŋ tiımdı şeşım ıştei oqytu formaty ekenın bärımız tüsınıp otyrmyz. Kelesı oqu jyly mektep qabyrǧasynan bastalar degen ümıttemız. Qazaqstanda mektepke baryp oqu formaty sol küiı qalady.
